هلا بنات كيفكم ^_^
انا اليوم جايبه لكم طريقة حلوه لسلق دجاج الشوربه
اي نوع شوربة تبي تعمليه وتبي تسلقي الدجاج في شوربتك
في طريقة حلوه تديك نكهه وريحه زكيه في طبخك
طبعا سلق الدجاج عادي تكون عباره عن مويا مع شوي بهارات صحيحه
لكن هذه الطريقه مميزه تقدري تسويها وبعدين تضيفي الي تبينه في شوربتك
يعني لما اكتب لكم اسلقي الدجاجه في اي نوع من انواع الشوربات تعرفين طريقة السلق هذه
اول شئ اغسلي دجاجتك وبعدين حطيها في قدر وتكون المويا مغطيه الدجاجه وشويتين كمان
حطي معاها بدون تقطيع كم عود من الكزبره زي ماهي بعروقها وبطولها
وكم عرق من البقدونس وكم عرق من الشبث
وبعدين حطي كم حبه من ورق الغار والهيل
جزره مقطعه كبار جدا
ورشه ملح ورشه فلفل اسود
وبعد ماتنسلق الدجاجه تصفين المويا من الخضار
يعني شوربة مكرونه او شعريه او ذره او اي نوع
والدجاجه ايضا تقدري تستخدميها بالطريقه الي تبيها
سواء ترجعي تنتفيها في الشوربه او او او
^_^ اتمنى عجبتكم وعلى فكرة يابنات ترى كل الطباخين يسوون هالطريقه وفي المطاعم كمان
عشان لما تشربي تشربي مو بس مرقه تشربي مرقه لذيذه وثقيله شوي
وبالعافيه
كنت مصوره صوره بس للاسف الكاميره مدري كيف مسحتها
بالتوفيق لنا ولكم ان شاء الله
دعواتكم
أميرة رمادي
0 التعليقات:
إرسال تعليق