22 تجربتي مع الفشار وتخفيف وزني ^_^

 

 

 

السلام عليكم ورحمة الله وبركاته

 

هلا بنات كيفكم ان شاء الله تمام

 

ادعولي ان الله يفرج همي هاليومين ملخبطه شوي

الحمدالله على كل حال

 

جيت اعلمكم بطريقه انا جربتها بنفسي  في تخفيف الوزن بالفشار

هالطريقه حلوه بس يبيلك تعود شوي

طريقة الفشار في الرجيم قرأت عنها بالنت كل بنت تقول بطريقه انا سويت نظام من عندي والحمدالله احس انها فادتني

هالطريقه انك اول ماتصحين من النوم سوي لك نص علبة فشار بالزيت فقط يعني بدون ملح او اي نكهه

طيب

وراح تطلع الكميه كبيره معاك مو قليله

انت طول اليوم حركي فمك بهالفشار هههههه

انا اشرب كاسه مويا وبعدين اجلس على القهوه مع الفشار

واوقات تخلص القهوه والفشار ماخلص واشرب كمان عصير بدون سكر او عصير الربيع لانه صحي وسعراته حلوه او ممكن مع شاي مر

الحلو في الفشار انه يسد نفسك عن الاكل ويحسسك بالشبع

ممكن في الايام الاولى كنت احس بأنتفاخ من كثر ما اكله بشكل يومي بس كنت اتركه يوم ارتاح وارجع له

فلو حسيتي بشئ زي كذا عادي لان الفشار ينفخ في البطن ويحسسك بالشبع

الحلو بالموضوع يابنات اني بدال ماكنت اكل ثلاث او اربع وجبات باليوم صرت اكل وجبه وحده فقط

بعد ما استخدمته في البدايه كنت اكل وجبتين بس الان لاني تعودت عليه صارت وجبه وحده

وانت وشطارتك لو تخلين هالوجبه وجبه رجيم راح تنحفين بسرعه

لكن لو كانت اكل عادي ممكن يكون نحفك شوي شوي لان السعرات اكيد بتكون عاليه

ممكن كمان ماتستخدمين الفشار بشكل يومي يعني ست او خمس ايام بالاسبوع  وتريحين بطنك يومين متفرقه

وكمان عشان ماتملين منه

علب الفشار موجوده في كل مكان اشتري مجموعه  وكل علبه تكفيك ليومين

وهو رخيص مو غالي

وسعراته الحراريه ماتوصل 200 سعره اقل بكثر

مررررررره فضيع

بدون ملح شوي زيت وخلاص

 

امممممممممممممم ايش كمان

اي صح نسيت اقول لكم اول تجربه لي كان عندي فستان زواج واسع شوي يعني ماخذه راحتي فيه

مره جيت البسه لقيته ماسك علي ومره انقهرت

لما استخدمت طريقة الفشار ست ايام رجع تحسن وصار واسع

بس للامانه الميزان خربان ما اقدر احدد لكم كم ينحف بالاسبوع

كمان في حاجه حلوه في الفشار انه يخفف عليك من الامساك

وله فوائد ثانيه مثل انه يحسن النفسيات ومايخليك تفكرين بالاكل واوقات تاكلي شوي وتوقفي

وكمان كثر فوائد اكتبيها ودوريها بقوقل

 

ان شاء الله افدتكم يابنات والله يعين الي بيتها فيه اطفال ههههههه راح تحصل حفله بسبب هالفشار

 

اخيرا دعواتكم ان الله يفرج همي وهمكم وهموم المسلمين 

وان الله يظهر الحق بيوم من الايام ويصرف عنا كل ظالم

اللهم امين

لاتنسون تثلجون قلبي بدعوه طيبه لمامتي وبابتي بانهم يدخلون الجنه بدون حساب

اللهم امين