¨°•√♥ ماشاء الله تبارك الله ♥√•°¨

بسم الله الرحمن الرحيم

حياكم الله في مدونتي نورتوني ^_^ اتمنى لكم وقت ممتع مع مطبخ أميرة رمادي مع الاصناف المنوعه المجربه وافكاري واكتشافاتي في عالم الطبخ .. دعواتكم لوالديااا ولي جزاكم الله خير . والرجاء الرجاء الرجاء من الرجال عدم الكتابه في مدونتي بشئ لا يخص المدونه ومحتواها او الطبخات او الاستفسارات او الاراء او الدعاء طبعا لوالديا ^_^

ღ دعواتكم ღ ❀ لأمي وأبي بالفردوس الأعلى❀

اللهم ارحمهما كما ربياني صغيراواجعل قبرهما روضه من رياض جنتك وجازيهما بالحسنات احسانا وبالسيئات عفوا وغفرانا اللهم حرم لحمهما ودمهما وبشرتهما عن الناراللهم اجعلهما من المستبشرين برب راضي وجنات الفردوس الاعلى اللهم امين اللهم امين اللهم امين ❀

الاثنين، 11 مايو، 2015

9 تجربتي مع العجينه السائله

السلام عليكم ورحمة الله وبركاته

هذه طريقة العجينه السائله

PicsArt_1428248971621

PicsArt_1428248920716

الحلو فيها انها ماتتخمر

وسريع سريع لما تكونين مستعجله او مالك نفس

والعيب الوحيد فيها انها مو متماسكه مره

يعني مثلا لو سويتي بيتزا يصير ماتقدرين تاكلينها غير بالملعقه راح تتفتفت

لكن بصراحه طعمها حلو ومنفوشه وهشه جدااااااااااا  عجبتني

المقادير

كوب ونص دقيق ابيض منخول

ربع  كوب زيت

ملعقه خمير

كوب وربع مويا

ملعقه بكنج بودر

3 ملاعق حليب بودره

بيضه

رشه ملح

ملعقه صغيره سكر

الطريقه

نخلطها بالخلاط حق العصير ماعدا الدقيق

وبعدين نحط الدقيق ونخلط بنفسنا

ونحطها بالصينيه المدهونه ونحط المكونات الي نبغاها

طبعا المكونات راح تغوص معاك شوي لانها سائله مره

ولو سويتي فيها بيتزا عادي ماراح يتوزع الصوصو ميه بالميه

وحطي المكونات

وطبعا لو كانت بيتزا خلي الجبنه بعد ماتستوي مجرد تحمير

ودخليها الفرن بالعافيه

………………………………

 

بالنسبه للعجينه الي استخدمها دايم على هذا الرابط

http://rmady-2009.blogspot.com/2012/03/blog-post_2.html

بس ترى انا احب انوع بالعجينه بس اكثر شئ الي على الرابط

^_^

...تابع القراءة

0 كيكه مضبوطه ميه ميه . هديتي لكم

PicsArt_1428248467413

السلام عليكم ورحمة الله وبركاته

اللهم بلغنا رمضان

جبت لكم كيكه ياشيخه ان شاء الله انك تدعين لي من بعدها

قولي ليشش

ليشششششششششششش

لاني انا من عشاق الكيك المنزلي العادي

وكل مره احاول الاقي طريقه مقنعه ميه بالميه كل ماسويتها ابغاها نفس الطعم

وجلست فتره طويله اجرب واجرب

الين ماطبيت لكم في وحده الله يسعدها قولو امين

مدري هي مصريه او سعوديه

هي بمنتدى ولا انتسقرام

ناسيه من كثر التجارب لكن والله ماعمري سويت كيك كم مره ويطلع بنفس الطعم

وجميله وهشه

يلا ياكثر قرقرتي المهم اني قدرت بعد جهد جهيد وبالتحري لشهور

جبت لكم هالكيكه ان شاء الله يارب تعجبكم

بس اول شئ حجم الكاسات يكون موحد

وحجم الكاسه هو حجم كاسات المويا الطبيعيه

مو الجبنه الصغيره ولا الكاسات الكبيره

خليك وسط ^_^

يلا

…………………….

المقادير

4 بيضات

كاسه حليب سائل (3ملاعق حليب مجفف مخلوطه بالماء)

نص كاسه زيت

كاسه سكر

ملعقتين بكنج بودر( عاديه .لاممسوحه ولا جبل) ههههه فهمتوني

رشه فانليا ( تقريبا نص ملعقه صغير)

كاستين دقيق منخول

الطريقه..

بالخلاط الكهربائي اخفقي البيض الين ينفش

اضيفي السكر

واخلطي اخلطي مزبوط

اضيفي الحليب واخلطي

والزيت واخلطي

والبكنج بودر

والفانليا

واخلطي اخلطي

وحاولي اذ كان الكهربائي الي باليد اخلطي باتجاه واحد عشان الهواء

بس المهم الكهربائي

وبعدين

استخدمي مضرب او خلاط اليد

وبيدك قلبي وانت تحطين الدقيق المنخول

طبعا يابنات اول شئ التقليب يكون باتجاه واحد

ثاني شئ التقليب يكون دوره ونص

دوره ونص

هههههه افتكر هالحركه من ايام الطفوله ^_^

عادي الي ماتعرف تخليه دوره دوره ههههه

المهم

وكل ما اختفى الدقيق اضيفي

تقريبا على اربع دفعات

ترى ماياخذ وقت لاتطولين بتقليب الكيك من بعد وضع الدقيق انتبهي

ولا تدقدقين الزبديه خليك ناعمه مانبغى الهواء يخرج

وحطيها بالصينيه المدهونه بشويش

وحطيها بالفرن الي مشغلته من قبل ماتبدأين عشان لازم حار

واتركيها على حسب نوع فرنك تستوي من تحت وبعدين من فوق تتحمر

بنات لا تتلقفون كل شوي تفتحون الفرن

انا نوع فرني على 120 لمدة 45 دقيقه من تحت

وبعدين من فوق تتحمر

وبس

يالله هذه الصور

PicsArt_1428248375320

هذه الكيكه العاديه بدون اضافات

PicsArt_1428248525308

هنا دهنت الوجه بنوتيلا وهي ساخنه

PicsArt_1428248697276

PicsArt_1428271142726

هنا عاديه بس زينتها بالشوكلاته

PicsArt_1428248467413

PicsArt_1428248762218

هنا قبل ما احط الدقيق خلطت ملعقه نسكافه ممسوحه معاها

او ممكن تحطين نص ملعقه لانها مره مركزه

نوعية النسكافه حقتي من نستله ^_^

وبس بالعافيه ياحلوات

اديتكم طريقة البنت وبعض من نصائحي في الكيك

لاتنسون

تدعون لمامتي وبابتي بالرحمه والمغفره

ولاتنسون تدعون للي اخذت طريقتها

ولاتنسون تدعون لي كمان

وبس

هذا موضوع من سنين منزلته عن بعض النصائح لطبخ الكيك

http://rmady-2009.blogspot.com/2010/10/blog-post_539.html

في أمان الله

هنا

...تابع القراءة

0 فطيرة الدجاج من أميرة رمادي

PicsArt_1428248634763

السلام عليكم ورحمة الله وبركاته

اهلا بنات كيفكم

هذه الصوره عندي من زمان حاولت اتذكر هي فطيرة تونه او دجاج مو قادره لكن الظاهر انها دجاج

انا قبل كذا زمان نزلت لكم التونه والان بقول لكم الدجاج ان شاء الله تعجبكم

.

اسلقي الدجاجه ونتفيها

قلقليها مع بصل وثوم شوي وبعدين اضيفي الي عندك شوي بس سواء كزبره او بقدونس او كلها عادي

بس لاتكثرين

وحطي بهارات مطحونه بس خفيف واهم شئ الفلفل الاسود والملح

وافردي عجينتك الي تحبينها بطبقه ماتكون تخينه  ويكون فيها زوائد من الاطرافه لتغطية الوجه

الدجاج بعد ماتوشحينه شوي قفلي عنه واخلطيه بشوي جبنه كاسات او جبنه شذر عادي بس تكون شوي

وافردي الخلطه بالصينيه فوق طبقة العجينه وبعدين رشي على الوجه كمان جبنه سواء كاسات او شذر

وممكن خلطها

بس لاتكثيرين بس نكهه او الاستغناء  عن الاجبان

او ممكن بس تحطينها في الوجه يعني ماتخلطين الدجاج بالاجبان

عموما على حسب ذوقك

المهم

وغطيها من فوق بباقي العجينه وتكون رقيقه اكثر من الي تحت

اكيد فاهميني كلامي والي ماتعرف كيف تتغطى الفطيره من فوق تقدر تشوف طريقتها باليوتيوب

وبعط ماتغطينها وتساوينها

ادهني الوجه ببيضه كامله وبعدين رشي سمسم

وشغلي الفرن من تحت وبعدين من فوق وبالعافيه

ان شاء الله فهمتو شرحي

وهذا الموضوع حق فطيرة  التونه القديم

http://rmady-2009.blogspot.com/2013/05/blog-post_11.html

 

...تابع القراءة

7 طريقة بطاطس بالجبنه البيضاء والخس يم يم

PicsArt_1428248589577

السلام عليكم ورحمة الله وبركاته

هذه طريقه حلوه وبسيطه واكله جانبيه او تنفع تكون عشاء خفيف

المهم

اول شئ سوي بطاطس مشويه في المايكرويف وبعدين قطعيها مربعات

واخلطيها مع خس مقطع

جبنه بيضاء

وفلفل اسود

كمون

وخيار

وممكن كمان اضافة زيت زيتون شوي بس

وبالعافيه

انا احب الجبنه البيضاء مع البطاطس ^_^

بالنسبه لطريقة شوي البطاطس بالمايكرويف

عادي غسليها وحطيها بالمايكرويف الين ماتستوي

وهذه طريقه مفصله على هذا الرابط

http://rmady-2009.blogspot.com/2015/05/blog-post.html

 

...تابع القراءة

0 طريقه حلوه لسلطه جميله بالمايونيز من مطبخي

PicsArt_1428248870627

السلام عليكم ورحمة الله وبركاته

كنت بسوي سلطه وقربعت الين ماجمعت مكونات وسويت هالسلطه وطلعت مره حلوه

يلا نوريكم الطريقه الحلوه من يداتي

….

اخلطي في زبديه 

شوي بقدونس وشوي كزبره مطقعه صغير صغير

خيارتين مقطع صغير صغير

فلفل رومي وحده كبيره كمان صغير صغير

نص كاسه مايونيز

خل ابيض ملعقه صغيره

اعصري  نص ليمونه كبيره

رشه ملح و فلفل اسود

وقلبيهم واخلطيهم وقدميهم بالعافيه

بنات طبعا الي ماتبي تقدمها بنفس اللحظه لاتسوي الخلطه السائله من بدري احسن فرش ^_^

وكمان عشان المايونيز يثقل بعدين واحنا نبغاها سائله تجي يم يم

دعواتكم لمن ربياني صغيرا

 

...تابع القراءة

0 بطاطس المايكرويف

PicsArt_1428249108732

السلام عليكم ورحمة الله وبركاته

اهلا وسهلا

بنات هذه طريقه جميله جدا لشوي البطاطس بالمايكرويف

اول شئ جيبي كم حبه بطاطس وغسليها كويس وحاولي احجامها تكون متساويه عشان تستوي بوقت واحد

وخلي البطاطس زي ماهي بقشرتها

وحطيها بالمايكرويف بدون اضافات

انا اخلي الحجم الوسط مابين 15 دقيقه الى 20 دقيقه

طبعا انت تعرفين انها استوت انك تطعنيها بالشوكه ههههههه

من بعد ماتمر عشر دقائق كل فتره اكشفي عليها

المهم انتبهي  عشان ماتنشف لما تستوي زياده بالمايكرويف يعني كل فتره شوفيها

وبعد ماتستوي قطعيها بالطول وحطي عليها قطعة زبده تذوب من الحراره

ورشي فلفل اسود وملح

وكلي بالعافيه

وبس

^_^

...تابع القراءة

=--> (لمشاهدة كل مواضيع المدونه اتبعي كلمة رسائل اقدم الموجوده في نهاية كل صفحه ) <--=
 

المتابعون

للتواصل عن طريق الرسائل

RW1400RW@GMAIL.COM

المتواجدون :*_*: اتحذف العداد القديم وبدينا من جديد