¨°•√♥ ماشاء الله تبارك الله ♥√•°¨

بسم الله الرحمن الرحيم

حياكم الله في مدونتي نورتوني ^_^ اتمنى لكم وقت ممتع مع مطبخ أميرة رمادي مع الاصناف المنوعه المجربه وافكاري واكتشافاتي في عالم الطبخ .. دعواتكم لوالديااا ولي جزاكم الله خير . والرجاء الرجاء الرجاء من الرجال عدم الكتابه في مدونتي بشئ لا يخص المدونه ومحتواها او الطبخات او الاستفسارات او الاراء او الدعاء طبعا لوالديا ^_^

ღ دعواتكم ღ ❀ لأمي وأبي بالفردوس الأعلى❀

اللهم ارحمهما كما ربياني صغيراواجعل قبرهما روضه من رياض جنتك وجازيهما بالحسنات احسانا وبالسيئات عفوا وغفرانا اللهم حرم لحمهما ودمهما وبشرتهما عن الناراللهم اجعلهما من المستبشرين برب راضي وجنات الفردوس الاعلى اللهم امين اللهم امين اللهم امين ❀

الجمعة، 2 مارس، 2012

2 عجينه حلوه يسمونها عجينه الربع ساعه وانا اشوفها ساعه وربع هههههه يالله بسم الله تعالو

 

بسم الله الرحمن الرحيم

السلام عليكم ورحمة الله وبركاته

يااهلا وغلا بالناس الغاليه

منوووريني حياكم الله

 

يالله خلوني ادخل بطريقة العجينه

 

بالترتيب  ^_^

جيبي نفس حجم الكاسه في كل المقادير الي بالكاسات

طيببببببببببببب

…………..

حطي في الخلاط مع بعض

كاستين دقيق منخول

كاستين مويا دافيه وليست ساخنه اتبهوو الساخنه تعدم لك العجينه

نص ملعقه صغيره ملح

فنجان شاي سكر

ملعقه و نص طعام خمير ماتخلينها ممسوحه لا عاديه بس مو جبل @_@

ملعقه صغيره بكنج بودر

3 ملاعق حليب بودره

كلها في الخلاط تخلط مزبوط وبعدين غطيها واتركيها ربع ساعه

 

ن6

 

وبعدين اضيفي عليها

نص كاسه زيت

و3 كاسات دقيق

واعجني بيدك وكل شوي اضيفي الدقيق بالتدريج مو دفعه وحده

ويدك كل شوي ادهنيها بزيت بس لا تبالغين يعني 3 او 4 مرات اثناء العجن

طبعا العجن ماياخذ وقت منك كوريها وارفعي العجينه واضربيها في الزبديه كذا مره

واتركيها تتخمر ساعه

او ممكن تلفينها بالحشوه وبعدين تخلينها تتخمر عادي ماتفرق

 

ن5

 

معلومه مهمه

اثناء فرد اي عجينه يابنات لازم مااااااااااتحطين زيت انتبهي وانا دايم اقول هالشئ

في فرد العجينه حطي مكان الفرد دقيق وحطي عجينتك بعد تقسيمها لعدة اقسام وكل مره قسم

وافردي القسم بيدك اول شئ وبعدين رشي الدقيق فوقها شوي

يعني يصير الدقيق من فوق وتحت والنشابه كمان يكون فيها دقيق

واعجني

وحتى لو اتلزقت اي عجينه تسوينها لاااا تحطين زيت حطي دقيق لو تبينها تزبط

انا بنفسي سمعت الشيف يقول ان اضافة الدقيق المرشوش اثناء العجن عادي مايضرها بشئ

بس لا تبالغون

ن4

وهذه صوره لفطيره محشيه بالزعتر والجبنه البيضاء ولانها ملفوفه بشكل حلزوني طبعا خليتها رقيقه جدا

لان اللف عباره عن طبقات طبعا

واثناء اللف والتقطيع ارش دقيق عليها حتى في يدي

ن2 

المهم واخر شئ دهنتها بالبيض وحبة البركه والسمسم وقدمتها فطور ^_^

 

للمعلوميه هذه العجينه يسمونها عجينه الربع ساعه او ام ريما

والله ما عرف ^_^

 

بس هي ماتحط 3 كاسات دقيق في المجموعه الثانيه تحط كاستين ونص

انا اشوف انها 3  على قد خبرتي البسيطه والله اعلم

 

^_^ يالله جربوها سهله وسريعه وتزبط حتى مع الجديده في الطبخ

وان شاء الله اسوي لكم اصناف من نفس العجينه في اقرب فرصه ^_^

بحفظ الرحمن

اي على فكره يابنات ترى رفعت جزء منها في الفريزر لليوم الثاني وماشاء الله زي ماهي توي ماكله منها ^_^

 

 ن1

سريع سريع التصوير ^_^

يالله دعواتكم لمن ربياني صغيرا

2 التعليقات:

غير معرف يقول...

السلام عليكم ياعسل كيفك عساك دوم بخيرومبسوطه
اولا اشكرك من كل قلبي على كل شي تقدمينه بصدق وحُب
ثانيا باذن الله اسوي طريقتك هذي بالضبط لاني واثقه انها مضبوطه 100%
وعساك على القوه وربي يوفقك دنيا وآخره ويرزقك كل ماتتمنينه ويرحم والديك ويغفرلهم ويوسع عليهم في قبرهم ويدخلهم الجنه بدون حساب
احبك في الله

أميرة رمادي يقول...

وعليكم السلام ورحمة الله وبركاته
بخير الله يسلمك اشكرك ^_^ وان شاء الله انت طيبه يارب
والعفو ياقلبو
ان شاء الله تناسبك العجينه
واشكرك على دعائك وثقتك فيني يالغلا

احبك الله يارب

إرسال تعليق

=--> (لمشاهدة كل مواضيع المدونه اتبعي كلمة رسائل اقدم الموجوده في نهاية كل صفحه ) <--=
 

المتابعون

للتواصل عن طريق الرسائل

RW1400RW@GMAIL.COM

المتواجدون :*_*: اتحذف العداد القديم وبدينا من جديد