0 مقلوبة الطبقات بطريقة أميرة رمادي

السلااااااااااااااااااااااام عليكم
مرحبا بنات
لا تفوتكم مقلوبتي
يم يم
مقلوبه بعدة طبقات سويتها لأخوي لما جانا من السفر
بس هو مايحب الرز المعجون وسويتها له برز مفلفل شوي
عاد انتم سووها وخلو الرز شوي معجون عشان تتماسك معاكم
ويالله اتمنى تعبجكم
المقادير::

2 باذنجان
2 بطاطس
1 جزر
فلفل رومي كبير
2 بصل
دجاجه
3 فصوص ثوم
ملعقتين طعام زنجبيل
كاستين ونص رز
طماطم كبيره
وبالنسبه للبهارات بقولها اثناء شرح الطريقه
المهم ندخل على الطريقة:::::
اول شئ نحط الرز في مويا حاره ونحط معاه ملعقه ملح
ومكعب ماجي و3 ورقات من الغار و3 غطاء من الزيت
ونشغل النار عليه ونخليه معجون شوي ونطفي النار
 

الان قطعي الخضار لحلقات
واقلي الباذنجان ثم البطاطس ثم الجزر والفلفل
في قليل من الزيت

 

وفي نفس الزيت ايضا نقلى البصل والثوم
وبعد مايصبح شبه محروق نضيف الدجاجه بعد تقطيعها لقطع صغيره

واضيفي ايضا البهارات المشكله ملعقتين والكمون ايضا
والملح وواحد لومي وملعقتين زنجبيل
وقلبيها على نار هاديه الين ماتستوي الدجاجه تمام
ويصبح لونه بني غامك لانك حرقتي البصل شوي
والان احضري قدر
وابدأي بالطبقات بهذا الشكل وبين كل طبقه وطبه طبقه بسيطه من الرز
بسيطه جدا
هنا البطاطس والباذنجان وتكون طبقتين فوق بعض ثم طبقه من الرز
 

وهنا حلقات طماطم ثم الرز

وهنا الدجاج ثم طبقه من الرز

والان نحط الجزر والفلفل ثم طبقة الرز
 

وفي الاخير تكون طبقة الرز سميكه جدا
واضغطيها تمااااااااااااااااااااااااام
واقلبيها في صحن التقديم وقدميها بالعافيه

ملاحظه ممكن نسوي طبقه وحده بس يعني نحط كل الخضار مع الدجاج في القاع والرز اخر شئ *_* لكن تصير مقلوبه عاديه وليست بالطبقات *+*