السلام عليكم ورحمة الله وبركاته 
سويت الغريبه قبل كم يوم وصورتها لعيونكم ^_^
المقادير/
كوبين سكر مطحون
كوبين سمنه أي نوع وانا بصراحه ما احب السمنه الي لها ريحه في انواع ممتازه ومالها ريحه
خمس اكواب من الدقيق الكويتي ويكون منخول مرتين << الكويتي دائما ممتاز
ملعقه فانليا
الطريقة /
اول شئ تحطي السمنه مع السكر وتخلطيها بالخلاط الكهربائي الين ماتصير معاك زي الكريمه
وبعدين تضيفي الدقيق بالتدريج
وبعدين تكملي بيدك ويكون مايحتاج عجن فقط يكفي انك تفردينها
انا فردتها في صينيتين وتكون العجينه مو سميكه مره ولا رفيعه
وتحطيها في الثلاجه لمدة اكثر من نص ساعه عشان تتماسك
وكل ماكانت المده اطول كل ماكانت افضل
وشغلي الفرن من بدري
وبعدين طلعتها وقطعتها على اشكال متنوعه
واضفت عليها الفسدق
وفي صينية الفرن حطيت ورق الزبده والي ماعندها تحط طبقه خفيفه من الزيت
وشغلي الفرن من تحت على نار هاديه جدااااا لمدة ربع ساعه وبعدين من فوق لو تبيها تتحمر لمدة خمس دقائق ماتطول من فوق .
وللمعلوميه الغريبه تتفتف معاك بسرعه عشان كذا كوني رقيقه معاها مو عفشه ههههههههه
وكمان لما تضيفون الفسدق فيها اضيفيه قبل ماتقطعينها
وبالتوفيق واطيب غريبه من أميرة رمادي
لا تحرموني من دعواتكم لأمي وأبي
0 التعليقات:
إرسال تعليق