السلام عليكم ورحمة الله وبركاته
كيفكم اليوم ان شاء الله تمام
هالحلى جدااااااااااااا حلووو واكيد بعضكم يعرفه
بس زي العاده الواحد ينزل القديم والجديد عشان الكل يستفيد
ان شاء الله يعجبكم يابنات
يالله ندخل بالموضوع على طول
المقادير تكفي لصينيه متوسطه
الطبقة الاولى ::
اخلطي مع بعض
كاستين حليب بودره محمص
مع نص كاسه سكر ناعم
ونص كاسه زيت
وعلبه قشطه
وبعدين افرديها في الصينيه 
الطبقة الثانيه ::
رصي فوق الطبقه السابقه بسكوت شاي مغموس في حليب سائل
يعني اغمسي ورصي الين ماتتكون طبقه 
الطبقة الثالثه:
حطي بالخلاط واحد قشطه
مع 2 كريم كراميل
مع ثلاث ارباع الكاسه مويا
وبعد ماتخلط تمام خليها على جنب
حطي على النار نص كاسه سكر ولما يذوب ويتغير لونه خطي فوقه الخلطه الي بالخلاط
وحركي وحركي وحركي وحركي الين مايذوب كله ويروح التكتل
وبعدين صبيه فوق الصينيه 
الان حطيه بالثلاجه وخليه كم ساعه 
وبعدين لما تقطعيه زينيه بالهرشي او أي شوكلاته عندك
وبالعافيه
أختكم : أميرة رمادي الأموره
0 التعليقات:
إرسال تعليق