السلام عليكم ورحمة الله وبركاته
كيفكم بنات وحشتوني يؤ يؤ يؤ لي فتره مانزلت شئ
تأخرت عليكم @_@
هالمره يابنات جايبه لكم صينيه خفيفه بالبطاطس المسلوقه اخذت طريقتها من النت
عجبتني وجربتها وطلعت حلوه وحبيت اوريكم طريقتها
المقادير/
كيس عيش توست
جبنه كاسات 6 ملاعق
مايونيز 3 ملاعق
بطاطس مسلوقه 4 حبات
ملح –كمون – بهارات الكاري-فلفل اسود
جبنه موزرلا
زيتون اسود
صلصه البيتزا ( الي هو عباره عن بصل وثوم محمر وبعدين طماطم والافضل علب وشوي صلصه وبهارات الكاري وفلفل رومي ) بدون اضافه ماء لكن لو كانت الطماطم عاديه ممكن تضيفي فنجان قهوه ماء
الطريقة-
اول شئ تشيلي اطراف التوست وضغطي على كل وحده بيدك عشان تصير نحيفه او ممكن بالنشابه @_@ اهم شئ تكون نحيفه
يعني تفرديها
وتدهني كل وحده بخليط الجبنه مع المايونيز
وبعدين تحطي في داخل كل وحده بطاطس بعد هرسها مع الملح والفلفل الاسود والكمون
وتلفيها زي الرول وترصيها بالصينيه جنب بعض
وتكون عندك خلطه صلصه البيتزا جاهزه ولا تخلينها ناشفه
لا خليها شوي فيها مرقه
تسكبيها فوق الصينيه
ثم ترشين الزيتون
ثم الموزرلا
ثم تحطينها في الفرن فوق وتحت الين ماتذوب الجبنه 
وتقدمينها بالعافيه
دعواتكم ان ربي يوفقني بالي براسي ^_^
ودعواتكم لأمي وابوي
و و و و مع السلامه
أميرة رمادي
0 التعليقات:
إرسال تعليق