بنات بالذات العرايس الي توها ماتعرف للمطبخ
اسمعيها مني نصيحه
لما تستخدمي اي شئ
مثلا تفتحي علبة جبنه سائله
او علبه مربى او اي علبه
اياك واياك واياك
تخليها مفتوحه
ليش لانها راح تتكون طبقه فوقها هالطبقه تضطرين المره الجايه تشيلينها
إلا لو كنت ماعليك هههههه هذه مشكلتك
المهم
حتى المعلبات الي ماترجع تنقفل مره ثانيه
زي مثلا الحليب المركز ينفك بالفكاكه صح
بهذه الحاله انت سوي له غطاء من القصدير
وكمان يابنات لما تغرفي على سبيل المثال
جبنه بيضاء في صحن طيب
ولما يبقى منها وتبي ترجعيه اياك واياك واياك
ترجعينه بنفس العلبه حق الجبنه البيضاء هذه من اكبر الاخطاء والي ممكن تسبب لك فساد الاكل
لا اي باقي حطيه في حافظه صغيره وداخل الثلاجه لوحده
واذ ماعندك حافظات اشتري منها هي تجيك احجام جوات بعض
وصغيره انا عندي منها كثير بالبيت اذ تبي تسلفي مني
اذ ماعندك تقدري تخليها بصحن وتسوي لها غطاء بالقصدير او السلوفان الخاص بالطعام
حتى البطيخه مثلا لاتخلي شئ مكشوف ابدا ابدا
حتى المويا يابنات
اي صح في شئ مهم
انك مثلا استخدمتي ملعقه شلتي جبنه سائله
اياك واياك بنفس الملعقه تشيلي مثلا المربى
كل شئ له ملعقته الخاصه عشان ماتفسد
واي معلبات تفتحيها وتكون في الدولاب زي الفول والطماطم المعلبه
والتونه لا ترجعيها الدولاب كلها حطيها بالثلاجه
لان المعلبات تحتاج للثلاجات
ودايم نعاني من موضوع الجبنه الكاسات
نحطها في الدولاب بس بعد فتحها لازم تصير بالثلاجه
ولكن هناك من يقول الساندوشت بارد
أميرة رمادي
دعواتكم لنا بظهر الغيب
2 التعليقات:
يسلمو على النصائح استفدت مره
وانا شخصيا ما عاد اقرب من الثلاجه(الا للحالات الطارئه)
ياهلا وغلا فيك خيتوو
اسعدني وجودك
إرسال تعليق