0 بخاري الدجاج من بيتنا

بسم الله الرحمن الرحيم
اليوم يابنات جبت لكم العشاء الي سويته
وكان عندنا ناس
حرررررررررررررررررريم
وشوية رجال
البخاري على طريقتي
واتمنى يعجبكم
المقااااااااااااادير:
 

8 كاسات رز
6 حبات دجاج مقطوع نصين
خمس حبات بصل مقطع إلى شرائح
ملعقتين طعام كمون
نص ملعقة طعام فلفل اسود
ملعقه طعام هيل مطحون
جزر مبشور على حسب الرغبه

طماطم مطحونه ( اختياري )
ملح
زبيب خاص بالطبخ
مكسرات(+ الصنوبر + اللوز )<<طبعا من النوع الخاص بالطبخ
الطررررررررررررررريقة:
اول شئ تغسلي الرز وتنقعيه في ماء ساخن لمدة نص ساعه
وتحطي التجاج بعد ماتغسليه كويس في ماء وتخليه يغلي شوي مع مكعب واحد ماجي
الين ماتتسلق الدجاجه نص سلقة فقط
وتجيب البصل وتقلقليه في زيت الين مايكون لونه ذهبي
وتحطي فوقه الدجاج بعد تصفيته (وتحتفظي بماء السلق)
وتقلبينه بإستمرار الين مايتحمر الدجاج

والان خرجي الدجاج بعد ماتحمر وليه على جنبه
وكبي الماء حق سلق الدجاج فوق البصل واضيفي عليه
الملح والكمون والفلفل الاسود والهيل
ولما تبدأ المويا تغلي حطي الارز
ولما يستوي نص الارز
يعني يبقى شوي مويا
حطي الدجاج فوق الارز
وحطي على جنب الزبيب والجزر المبشور عشان يبدأ يذوب
وغطيه الين مايستوي الرز تمام(طفي النار)

هي هذا الاثناء جيبي صينيه وادهنيها بالزبده
وحطي عليها اللوز والالصنوبر
ودخليها الفرن
وقلبيها بإستمرار كل شوي الين مايتحمر
والان بعد مايستوي كل شئ
وخلاص طفيتي النار
جيبي كوب من حديد وغلفيه بالقصدير وحطي في ربع الكوب زيت
واغطسي الزيت في نص قدر الارز
وبعدين حطي جمره في الكوب (جمره تكون حاره جدا )

وغطي القدر على طوووويل وبعد الغطاء الافضل تحطي منشفه وخليه من خمس إلى عشر دقائق
والان طلعي الكوب
والزبيب والجزر
اضيفي الارز في طبق التقديم
وافردي فوقه الدجاج
ثم الزبيب والجزر والمكسرات وقدميها

بالهنااااااااااء والعاااااااااافيه :

ملاحظه :

بنات ممكن بعضكم مايعرف يفرق بين المندي والبخاري

الفرق واضح هذه طريقة البخاري ونظيف فيه الجزر وكمان تقدري تضيفي طماطم مطحونه وممكن صلصله

ويطلع طعمه حلو

كمان  بالنسبه للمندي تلاقوني مسويه الطريقه كمان في نفس    القسم

^_^ حبيت اوضح لكم الصوره

 

أميرة رمادي ( دعواتكم لوالديا )