السلام عليكم ورحمة الله وبركاته هلابنات
هذه طريقة الرز المكسيكي بالدجاج
وإن شاء الله تعجبكم
هو عباره عن خلطه للدجاج وخلطه للرز
إن شااء الله توضح الطريقة وهي جدااااااااا سهله وخفيفه
الكميه الي انا سويتها تكفي فقط لنفرين
توكلنا على الله
بالنسبه للدجاج
اول شئ جبت نص دجاجه وغسلتها كويس وبعدين قطعتها لقطع
وحطيت في القدر شوي زيت وحطيت الدجاج بس عشان يتحمر شوي
مو عشان يستوي بس شوي يتوشح وبعدين طلعت الدجاج
وبنفس الزيت حطيت بصله مفرومه متوسطه و تقريبا ثلاث فصوص ثوم مفرومه وخليتها شوي وبعدين حطيت فوقها فلفل رومي ويكون الفلفل مقطع مكعبات صغيره ويكون حجمه وسط والافضل انك تنوعي بالالوان
يعني لو كان عندك فلفل احمر واصفر واخضر تاخذي شوي شوي
وبعدين رجعت الدجاج فوق الخلطه وحطيت معاها شوي مويا مو كثير
وحطين معاه بهارات الدجاج وملح وفلفل اسود وغطيته وخليته يستوي على اقل من مهله عشان يستوي الدجاج ويتسبك بالخلطه 
بالنسبه للرز
حطيت شوي زيت في قدر وحطيت عليه فلفل رومي تقريبا وحده صغيره
والافضل تكون ملونه وحطيت عليه طماطمه كبيره مقطعه قطع صغيره
وبهارات مشكله وملعقه صلصه ورشة فلفل احمر (بربيكا)والي تحب الحار تخليها رشتين ^_^
المهم وبعدين حطيت ملح وفلفل اسود وحطيت فوقه الرز طبعا بعد غسله
وكانت كاسه رز وخليته يتسبك معاها مع التقليب المستمر طبعا من غير مويا ولا شئ بس شوي وشحت الرز يعني حق خمس دقائق تقريبا
وبعدين حطيت عليه مويا يادوبك عشان يستوي الرز
قبل ماينش الرز <<< ينش يعني قبل مايستوي بشوي
اجيب الدجاج واحطه فوق الرز طبعا راح يكون ناشف معاك
مافي ولا قطرة مويا يادوب الدجاج بالخلطه حقته
وبعد ماحطيته فوق الرز اقفل عليه واخليه الين مايستوي الرز طبعا يادوب خمس دقائق واطلعه واقلبه على خفيف
واحطه في الصحن مع تزينه بالبقدونس
وسلاااااااااااامتكم
اتمنى عجبتكم الطريقة 
ملاحظه /
كل مازادت الكميه في الرز زادت المقادير
عشان يكون واضح طعم الفلفل الرومي بالذات
0 التعليقات:
إرسال تعليق