0 قدرة قادر من أميرة

السلام عليكم ورحمة الله وبركاته
هلااا بنات كيفكم
جبت لكم قدرة قادر سويتها اليوم وصورتها لكم
يالله توكلنا على الله
انا بكتب لكم المقادير والطريقة مع بعض وبقسمها لكم ل3 اقسام

اول شئ تجيبي كاسه سكر وتذوبينها على النار بس اول ماتذوب خلاص تشيلينها من النار
يعني انتبهي مو تحرقينها وتطلع ريحة الحرق بعدين تستوعبين ههههههههههه
وبعدين على طول تصبينها في القالب الي تبينه
وانا حطيتها في 3 قوالب كلها احجامها صغيره
المهم
الان بالخلاط حق العصير تخلطي بيضتين و ثلاث ارباع كاسه سكر وكاسه ونص حليب بودره
وكاستين مويا وملعقة فانيليا وتصبينها فوق طبقة السكر
 

الان في الطبقة الثالثه تستخدمي المضرب الكهربائي تخلطي بيضتين وثلاث ارباع كاسه سكر
وملعقه فانيليا وكاسه وربع دقيق ونص كاسه زيت وملعقه ونص بكنج بودر وثلاث ارباع كاسه حليب سائل
وملعقتين كاكاو بودره <<<الكاكاو اختياري يابنات مو ضروري للي ماتبي
وبعد خلطها مزبوط خمس دقائق تقريب نضعها فوق الطبقه السابقه ونحاول نرشها في جميع انحاء الصينيه
 

طبعا الفرن شغال من بدري من تحت وفوق على نار واطيه

نحط الصينيه داخل صينيه اكبر منها تكون فيها مويا عشان السكر الي سويناه يرجع يذوب
ندخلها الفرن تقريبا 40 دقيقه بس يابنات النار تكون واطيه جدااااااااا
بعد مانطلعها من الفرن نخليها شوي الين ماتدفى ثم نحطها في الثلاجه اهم شئ ماكتون اقل من 8 ساعات

وانا حطيتها 11 ساعه <<<للأمانه
المهم واقلبيها في صحن التقديم
وبس قدمتها
 

اتمنى عجبتكم *_*
نصيحه :عشان تضبط معاك المقادير في اي وصفه لا تستهتري في حكم المقادير
يعني مثلا كاسه سكر تكون هي نفس الكاسه الحليب
ماتجيبي كاسه شكل ثاني عشان حتى في الانصاص تفيدك
وبالذات في مقادير الكيك يابنات ضروري هالشئ
بالذات للي ماعندها خبر ^_^