السلام عليكم ورحمة الله وبركاته
المقادير/
كاستين رز
دجاجه كبيره
شرائح بصله كبيره
بهارات مشكله صحيحه
ملح وزيت
مقادير خلطه الدجاجه
( ملعقه طعام ملح + نص ملعقه صغيره فلفل اسود + نص ملعقه صغيره كركم + نص ملعقه صغيره زعفران + ملعقه طعام زيت + ليمونه ابو زهر او نص ليمونه كبيره )
الطريقه /
اول شئ اغسلي الرز ونقعيه بماء ساخن نص ساعه
اسلقي الدجاجه في ماء مع البهارات الصحيحه وملعقه ونص ملح لمدة نص ساعه
في صينيه الفرن حمري شرائح البصل مع شوي زيت على النار فوق
وبعدين صفي الرز وحطيه فوق شرائح البصل وقلبيه بشويش
ثم اسكبي مرقة الدجاجه يادوب تجي فوق الرز بشوي
وحطي فوق الصينيه شبك الشوي واذ ماعندك منه ممكن تحطي طبقيتن او ثلاث من القصدير المخرم خرم متوسطه ويكون القصدير مثبت في الصينيه 
ادهني الدجاجه بالخلطه الخاصه فيها من الخلف والامام وبعدين حطيها فوق الشبك
وبعدين غطيها بالقصدير بس لا تلزقين القصدير في الدجاجه 
وحطيها في فرن متوسط الحراره وخلي الشبك تحت وشغلي الفرن من فوق وتحت
الى ان تستوي تقريبا نص ساعه او ساعه إلا ربع << انت شوفيها
وبعدين لما يسوتي شيلي القصدير من الدجاجه وخليه يتحمر من فوق
وبعدين رشي على الرز شوي كركم بس لا تقلبين الرز غير وقت الغرف
بخري الرز ( فنجان قهوه نصه زيت ثم توضع داخله الفحمه الساخنه ويغطى بالقصدير ومنشفه )
شايفين الصوره الكركم والفحم 
خليه خمس دقائق
ثم اغرفيه بالعافيه ^_^
أميرة رمادي
ودعواتكم لي ان ربي ييسر لي وظيفه 
تابع الُمدونة
أقـســــام الـمـــدونـــة
-
اكــــــتشافــات غـــــــــذائـيـــه *_* بس على ذوقي
-
خرابيشي
-
ســـفـــــرتي ( مائدتي المنوعه ) قسم يختص بصور خاصه بالسفره
-
سهله وسريعه ((وصفات متنوعه))
-
قســـم الأرز
-
قســـم الباسكويت واطباق الشاي
-
قســـم الشوربة
-
قســـم الصواني والإدامات والمقليات
-
قســـم المشروبات البارده والساخنه
-
قســـم المعجنات واطباق الخبز
-
قســـم المقبلات والسلطات
-
قســـم المكرونة
-
قســم حلى القهوه
-
قســـم حلى مابعد الوجبات
-
قســم وصفات الرجــــيم المتنوعه
3 التعليقات:
سلااام الله يستر بس توني حاطه بالفرن عاد تخيلي لو ما يضبط صدقيني راح تحولين لي 50 ريال اروح اشتري لي لحم مندي ......امزح بس اذا وافقتي تحولين مايرد الكريم الا اللئيم خخخخخخخخ ......ابو حصه
يعطيك الف الف عافيه اكله حلوه وش زينها ربي رحمك من ال50 ريال ولا كان اعلوم المهم تسلمين ويرحم لك والديك ويغفر لهم ولامواتنا واموات المسلمين
ملاحظه :: انا حطيت كوب واحد رز بس مازاد كم هو عليه بس صار لين شوي
كويس انه زبط
بالعافيه ^_^
إرسال تعليق