السلام عليكم ورحمة الله وبركاته
بنات كيفكم وحشتكم صح
هالمره جايبه لكم طريقة عمل الرز الابيض
اممممم ممكن ما عمرك فكرتي بطريقة ثانيه غير الطريقه التقليديه في طبخ
الرز الابيض
هالمره بوريكم طريقتي وان شاء الله تنال اعجابكم وتاكلونه لوحده
بدون شئ ^_^
اول شئ يابنت تجيبي الرزوتغسلينه
وتصفينه تمام من المويا
وبعدين تحطينه في قدر وتقلبينه على النار بأستمرار
يعني ماتخلي الرز بدون تقليب
شوي بس تنشف المويا
وتضيفي عليه ملعقة سمنه
مع كل كاسة رز
وتحطي معاها البهارات الصحيحه المشكله بدون أي نوع مطحون ابداااا
مع الحرص يابنات البهارات ماتكون كثير
والافضل انك تكثري ورق الغار في الرز الابيض يعني على كل كاسه رز
تحطي ورقه كامله كبيره او رقتين صغار
المهم وتقلبي الرز مع السمنه والبهارات المشكله شوي
والنار واطيه وانت تقلبي طبعا
ممكن تاخذ منك 3 دقائق الشغله
وهذا كله على نار هاديه شايفين #_#
وبعدين تضيفي المويا الساخنه جدا مع التقليب وكمان الملح
وزي ماقلت لكم زمان كل كاسه رز ملعقه ملح
والمقصود بكلمة ملعقه يعني مو جبل لا ملعقه عاديه ^_^
طبعا المويا تجيك مغطيه الرز بشوي بس
وبعدين تقفلي الغطاء وتخلينه على نار هاديه لان المويا ساخنه
بس ماتكون هاديه جدا بس هاديه ههههههههه
المهم
وبعدين وقت التقديم تاكلونه بالعافيه 
وهذه صورة السمنه الي انا استخدمها سمنة شوكه وملعقه
انا تعجبني ليش
لان مالها ريحه في الطبخ
وتقدر تفيدك وقت مايخلص الزيت من عندك في طبخك العادي
يعني تستفيدي منها لان ريحتها ماتبين
في البيض او قلي أي شئ بصراحه تعجبني
دعواتكم لي ولوالديا بالرحمه والمغفره
أميرة رمادي ^_^
7 التعليقات:
الله يسعد قلبك اميره ومشكوره على التعليمات
وعلى الوصفه الرائعه
وربنا يغفر لوالدي وولديك وجميع المسلمين
عليكم السلام
فعلا السمن يعطي نكهة رائعة للرز
سملت يداك ياعسل
(:
اللهم امين
الله يحييكم يابنات نورتوني
وشكرا للدعم
السلام عليكم
حبيت أعلق على نوع السمن
طيب أيش رايك في سمن "أبو كرسي"
أو سمن "فارم"
وعليكم السلام
بالنسبه لسمن ابو كرسي والله ما اعرفه ماجربته
بس سمن فارم عشان لها ريحه قويه انا ما احبها بصراحه وطعمها واضح جدا في الاكل
والله اعلم
وان شاء الله بجرب سمن ابو كرسي لما اروح السوبر ماركت ان شاء الله لو طلعت طيبه بديكم خبر ان شاء الله ^_^
الله يعطيك الف عافية صدق السمنة هذا حلوة مع الطبخ انا جربتها
هلا خيتووو
الله يعافيك
^_^ شكرا انك خبرتيني وايدتيني انها حلوه
^_^ ماقصرتي والله وهلا وغلا فيك يالغاليه
إرسال تعليق