السلام عليكم ورحمة الله وبركاته
سويت لكم قبل كذا كبسة الانومي يم يم والي ماتعرفها تدخل على الموضوع لانها بجد لزيزه
هالمره سويت لكم اندومي بالبصل خفيفه وسريعه ان شاء الله تعجبكم 
اول شئ جيبي اندومي أي نوع تحبينه وانا احب هالنوع الي بالصوره اكثر شئ ^_^
المهم جيبي بصله وحطي معها شوي زيت زيتون مع زيت الاندومي ان وجد مع بهارات الاندومي
ورشه من الفلفل حقها
وقطعي البصله انصاص حلقات وخليه على النار يذبل شوي مو يتحمر بس يذبل
حطي الانومي بعد تكسيرها وقلبي شوي قلبي قلبي الين ماتحسيها شوي وتصير تطق طق خخخخخ طق طق طق 
حطي شوي مويا واجلسي قلبي والنار عاليه اهم شئ انها تتفكك ومو تسوين فيها عجينه
ولو حسيتيها ناشفه مره ومو مستويه كل شوي زيدي مويا ساخنه بس انا افضل انك ماتكثرين
يعني تتفكك وعلى قولتهم دقيقتين فقط
والمويا شوي شوي كل مره تقريبا كأنها فنجان قهوه الين ماتستوي مع التقليب المستمر طبعا
شايفين كيف الصوره المويا شوي شوي 
المهم
جيبي بيضه وحطيها في اصغر قدر عندك مع زيت زيتون وغطي القدر وعلى نار واطيه 
الين ماتستوي راح تخلص مع الانومي تقريبا بنفس الوقت
وحطيها بالصحن ورشي على وجه البيضه فلفل اسود
وكليها بالعافيه 
امممممممم ما اطيب اندومي @_*
تابع الُمدونة
أقـســــام الـمـــدونـــة
-
اكــــــتشافــات غـــــــــذائـيـــه *_* بس على ذوقي
-
خرابيشي
-
ســـفـــــرتي ( مائدتي المنوعه ) قسم يختص بصور خاصه بالسفره
-
سهله وسريعه ((وصفات متنوعه))
-
قســـم الأرز
-
قســـم الباسكويت واطباق الشاي
-
قســـم الشوربة
-
قســـم الصواني والإدامات والمقليات
-
قســـم المشروبات البارده والساخنه
-
قســـم المعجنات واطباق الخبز
-
قســـم المقبلات والسلطات
-
قســـم المكرونة
-
قســم حلى القهوه
-
قســـم حلى مابعد الوجبات
-
قســم وصفات الرجــــيم المتنوعه
22 التعليقات:
عليكم السلام
واو بجرب الطريقة لاني احب الاندومي يم يم شكلها لذيذة
سلمت الايادي ياعسل
هلا قلبو الله يسلمك ^_^ جربيهاان شاء الله تعجبك
وووواووو الله على الاكله الشهيه
ولك يسلممممو هاديات
^_^ الله يسلمك
هلابك
الصرااااااااااحة ابداع
مشكووووووووووووورة
تستاهلين 5 نجوم
ياهلا وغلا فيك خيتوو
اسعدني تواجدك
^_^ حضورك الي يبيله خمس نجوم والله
السلام عليكم يعطيك الف عافيه اخت اميره
انا طبعا كنت افر باليوتيوب وشفت مقاطعك يعطيك الف عافيه والله يرحم لك والديك ويكتب لهم الجنه
بس وانا اخوك ودي تكتبين الرابط حق كبسه الاندومي تعبت وانا ادوره
ثاني شي الله لا يهينك اذا تقدرين تسوين طبخات خفيفه للعزابيه اكون لك شاكر
هذي حالتي اللحين المتوفر كالتالي
(( دافور + قدر ضغط + قلايه )) غير كذا ما اقدر اجيب لانه مكلف والشي الثاني ماني فاضي اطبخ غير ايام الويكند
فاكون شاكر لك اذا سويت لنا قسم خاص للعزاب لان الخميس والجمعه فاضي لا شغل ولا مشغله فابي الهي نفسي بالطبخ
ويعطيك الف عافيه
وعليكم السلام ورحمة الله وبركاته
يؤ الله يعينكم والله ياخيوو والله يفرج همكم يارب
بالنسبه للاندومي يا خيوو انا كاتبه الطريقه في المقطع مزبوط يعني مايحتاج اصلا تاخذ الطريقه من هنا
بس شرفنا حضورك ^_^
بالنسبه للقسم الخاص للعزاب والله مدري وش اقول بصراحه
لكن ممكن انا اسوي صفحه فيها روابط للمواضيع المناسبه للعزابيه يعني اي طبخه تكون خفيفه جدا جدا او طلباتها تناسب احط لكم رابطها في هالصفحه
اشوف اناقش الموضوع مع مخي وارد لك ان شاء الله ^_^
حياك الله خيووو
ماشاء الله عليك أختي
^_^
جزاك الله خير
هلابك
يم يم احوووب الاندومي
^_^
ياهلا وغلا فيك
يممي ^_^
^_^ اهلين وسهلين
الله يعطيك العااااااافيه
الله يعافيك
ياهلا وغلا
يعطيك العافية
لكن البيض مع الاندومي كيف طعمة؟
الله يعافيك
ايوه طعمه حلو
بس اذا انت من الناس الي اصلا ماتدانين البيض
اكيد ماراح يعجبك
السالفة تعتمد على الاذواق في اضافته او لا
انا بالنسبه لي البيض عادي لا احبه ولا اكرهه
عشان كذا طعمه يجنن مع الوصفه ^_^
الله يعطيك العافيه والله يرحم اهلك ويرزقهم الفردوس الاعلى
اللهم امين
جزاك الله خير
جزاك الله خيرا ممكن تعملين فتوش وشكرا على المجهود في طبخ بصراحة ابداع بيض مع اندومي يم يم شكلي راح أسوها
ان شاء الله تعجبكم .. ان شاء الله اسوي فتوش ليش لا ^_^
إرسال تعليق