السلام عليكم ورحمة الله وبركاته اول شئ شوفو المقطع بعدين كملو الكلام اتفقنا ^_* وش رايكم والله لما شفت المقطع قلت لازم اعلق عليه في مدونتي لانه بجد يستحق التعليق والله شوي وابكي من هالمناظر … انا بتكلم على جانب واحد فقط الي هو المرأه في المقطع ما ابي اتكلم عن الغناء ولا عن الشباب بالله يابنات لو كل وحده فيكم تخيلت نفسها متزوجه وزوجها بين هالشباب الي حولين البنات كيف راح يكون احساسها؟؟ لو كل وحده فيكم عندها طفل او مراهق وسط هالناس وش راح يكون احساسها؟؟ ليش الجنادريه خليتوها كذا ؟؟؟ انا الان بكلم البنات الي جالسين يتمصخرون هنا لا دين ولا حياء !! بصراحه شئ يقهر ضعف ايمان شديد يعني حلوه الحريه انك تروحين الجنادريه وتشوفون مع اهلك حتى لو مجموعة حريم بس بالمنظر هذا ؟؟!! الي ترقص من قلبها والي تصور في الشباب عيني عينك والي تصفق لشباب يرقصون قريب منها والادهى والامر ان في بنات صغار يعني على ايش يتربون ؟!! لاتقولين انا جنبها وابعد عنها الاذيه بكره بتكبر وماتبيك جنبها ؟!!! يالله يابنات بلدي وصلت فيكم لهدرجه يعني انبسطتي وفرحتي وفرفشتي طيب بالله كم شاب اغريتيه كم ذنب كسبتيه يعني ليش ماتكون روحتك للجنادريه عشان تبسطين نفسك بدون ذنوب ؟!! لازم ارقص والفت الشباب لازم اصفق له !!! ولا البس شعارات وربطات فوق العبايه !!! بنات نصيحه لوجه الله يكفينا ذنوبنا ليش نجيب لنا ذنوب يعني الواحد يقول قنا نارك وانتم والعياذ بالله بلا مبالاه بنات لا تحسبون تفكير الرجال زينا لا والله مو زينا اي شئ ملفت يغريهم ويضعفهم والله حرام يابنات وكثير من الي بالمقطع ما اعتقد تجرء تسوي هالاشياء وهي بين اهلها لانها تعرف نفسها سبحان الله والله مدري وش اقول بس من حرتي بنات بلدي يسوون هالشئ قدامي ولا اعلق بنات ترى الي نسويه اليوم في اهالينا بكره بناتنا بيسوونه في الاخير الله يهدي الجميع ويصلحهم يارب بجد ودي الاوضاع تتحسن والله يثبتنا واياكم يارب ويبعدنا عن الحرام ونعاون بعض على الخير ياريت كل وحده تشوف هالموضوع تعلق عليه ابي اشوف ارائكم بحفظ الرحمن
تابع الُمدونة
أقـســــام الـمـــدونـــة
-
اكــــــتشافــات غـــــــــذائـيـــه *_* بس على ذوقي
-
خرابيشي
-
ســـفـــــرتي ( مائدتي المنوعه ) قسم يختص بصور خاصه بالسفره
-
سهله وسريعه ((وصفات متنوعه))
-
قســـم الأرز
-
قســـم الباسكويت واطباق الشاي
-
قســـم الشوربة
-
قســـم الصواني والإدامات والمقليات
-
قســـم المشروبات البارده والساخنه
-
قســـم المعجنات واطباق الخبز
-
قســـم المقبلات والسلطات
-
قســـم المكرونة
-
قســم حلى القهوه
-
قســـم حلى مابعد الوجبات
-
قســم وصفات الرجــــيم المتنوعه
6 التعليقات:
تسلمين ربي يسعدك ويجزااك الجنه
انا بنفسي رحت الجنادريه وتمنيت اني مارحت
قمة الوقاحه وقلة الأدب اختلاط - رقص - اغاني -تبرج
ماكأننا في السعوديه كأننا في بلد ثاني..
لازم يتخذون قرار مايسكتون ع هالوضع .
ياليت يرجعونه مثل اول ايام للنساء وايام للرجال
ونرتاح ونروح واحنا مبسوطين ..
( اللهم لا تؤاخذنا بمافعل السفهاء منا)
اهلين وسهلين اشكرك لردك
فعلا كلامك
مع اني ماعمري رحت له بحياتي
لكن حتى اختي راحت ما انبسطت كثير فيه
الله يصلح حالهم يارب
(اللهم لا تؤاخذنا بما فعل السفهاء منا)
إنا لله وإنا إليه راجعون ،
أنا بصراحة من زمان ما رحت لها ، بس أسمع أنها صارت مهزلة
وأصلاً الهدف من المهرجان هو تعريف الناس والاجانب عن ثقافة البلد .
وسبحان الله كل ما بغينا نروح لها ما يكتب الله ذلك.
فهناك أمور كثيرة تحتاج إلى وقفة تأمل
لاحول ولاقوة الا بالله
اسال الله الهدايه لنا جميعاً.
وأن يكفينا شر من غرر بشبابنا وفتياتنا ويرد كيدهم
في نحورهم .
اللهم آمين .
اللهم امين الله يكتب اجرك ياخيتوو
على هالرد
فعلا الله يكفينا شر من يساهم في مثل هذه الاشياء
زمان كنت اتأمل يجي يوم واروح للجنادريه
بس الان ابعد الي شفته احسه عادي
الله يصلح الجميع
مع العلم اثناء التدقيق لاخظت ان بعض الي يرقصون حريم كبار اشكالهم والله اعلم
ما اقول غير الله يصلح الجميع ويهديهم
جزاك الله كل خير على المقطع
لايقاظ من هم في غفله
بالنسبه لي من زمااان عن الجنادريه
وانصدمت لما شفت المقطع
ربي يهدي شبابنا وبناتنا
والجمييييع
مثل ماقالت اختي الندى
تغير الهدف من الجنادريه
الله المستعان
دعواتي لك بكل خير
تقبلي تحيتي ومروري
وياك ياخيتوو
بجد والله انك صادقه
الله يصلح حالهم يارب
وسبحان الله ممكن من هذا الموضوع يدخل بعض الي ماكانو يبالون ويتغير تصرفهم في المره القادمه
بجد اتمنى هالشئ
واتمنى الخير للجميع ^_^
إرسال تعليق