11 لعلاج الامساك بالتمر او بالعسل او ببرتقالتين وتفاحتين ( تم التعديل على الموضوع)

السلام عليكم ورحمة الله وبركاته

هلا بنات

انا ماني دارسه الطب ولاني طبيبة اعشاب

ولا راح اكتب لكم كلام غير من تجارب عشاتها بنفسي

طبعا ازمة الامساك تمر على الكبير والصغر على الطفل والشيخ على المريض والطبيعي

على اصحاب القولون بكثره وعلى الحريم الحوامل

وكثرة الامساك لها اضرار زي البواسير لا قدر الله او الشرخ او او او

في عدة حلول لحل هذه المشكله ان شاء الله انها تفيدكم

قبل الخطوات لازم قبل ماتفتحين عيونك تشربين مويا عاديه كاسه

ليست بارده ولا ساخنه

ثم

الاولى

تاخذين سبع حبات تمر فقط وبعد شوي تشربي مويا بس مو بارده عاديه وحاولي انك ماتاكلين على طول اجلسي فتره اقلها نص ساعه وبعدين كلي وشوفي النتيجه ان شاءالله من اول يوم

بالنسبه للتمر الي انا استخدمه عشان اكون دقيقه في كلامي هو اممممممممممم

ههههههه احراج @_@ مشكلتي ما اعرف اسمائها

بس التمر الي يجي كأن فيه عسل اكيد عرفتوه ^_^

على فكره يابنات

الطفل الرضيع له طريقه معينه للتمر عشان مايشرق , اضن تشيلين الطبقه الخارجيه وتعجنينه وتخلطينه بنقاط ماء

والله مدري بس اسألو اهل الخبره قبل ماتستخدمونه لهم ^_^

الطريقة الثانيه

وهي العسل الاصلي العسل الاصلي فقط ملعقه مع مويا ساخنه في كوب كبير وعلى الريق

انا يناسبني بصراحه بس لما يكون له عدة ايام استخدم التمر اسرع مفعوله ^_^

الطريقه الثالثه

هذه مناسبه للي مايحب التمر ولا يحب العسل

حبتين برتقال وحبتين تفاح احمر مقشر اغلبه وكليها بالعافيه وبعدها كاسه مويا عاديه

وانا جربتها هالطريقه بس عيبها ان مفعولها مو من اول مره يعني لو انت مو متعوده عليها تاخذ معاك يومين

وكمان تفيد للحوامل بدون خوف من العسل لان كثرة العسل مو كويس للحوامل <<< يقولون هالكلام مدري عنهم

^_^ بس اختي حامل وتمشي على هالطريقه وتقول مايجيها امساك بسبب الحمل ^_^

واخر كلامي لو تبي نصيحتي وكنتي من اهل الامساك بشكل متواصل الافضل لك تستخدمي احد الطرق طول عمرك

والله يشافي ويعافي كل مريض يارب

بنات حبيت افيدكم

بس مو عشان تدعون لي

لا ابيكم تدعون لأمي وابوي تكفون انهم يجاورون الرسول عليه الصلاة والسلام

وانهم يقابلون رب راضي عنهم غير غضبان

وان ربي يبرد قبورهم ياااااااااااارب

بحفظ الرحمن