سويت الباذنجان بالكريمه يازينه زيناه السلام عليكم ورحمة الله وبركاته
سويت طريقة منال العالم في الباذنجان بالكريمه بمقاديري
ان شاء الله تعجبكم
جبت اربع حبات باذنجان وقطعتها شرائح شبه رفيعه بالطول وقليتها 
وفي قدر ثاني حطيت شوي زيت مع شرائح بصله كبيره وشوي بس تذبل حطيت عليه 3 فصوص ثوم
وشوي زنجبيل مبشور وبعدين اضفت جزره متوسطه مبشوره وشرائح طويله من الفلفل الرومي وحده كبيره
وحطيت شوي بهارات مشكله وكمون وكركم وملح
وبعدين جبت الدجاج مسلوق سابقا ( عباره عن اربع من صدور الدجاج الكبيره وقطعتها شرائح متوسطه الطول وبعدين سلقتها مع مويا وصفيتها )
بعد ماحطيت الدجاج قلبته طبعا كل شوي اقلب يابنات وبعدين اضفت شوي بقدونس وشوي شبث
كلها يابنات ماتاخذ كثير على النار 
وبعدين جبت الصلصه البيضاء الي هي عباره عن شوي جبنه موزيلا مخلوطه مع نص كاسه جبنه كاسات مع كاسه قشطة الخفق واقلبها مزبوط
الان في الترتيب
اول شئ في الصينيه احط طبقه من الباذنجان
ثم رشه موزريلا
ثم طبقه من حشوة الدجاج
ثم طبقه ثانيه باذنجان ورشه موزيلا وكمان دجاج 
واخر شئ باذنجان وبعدها احط الخلطه البيضاء وبعدين في الفرن تتحمر وخلاص
بالعافيه ^_^
للمعلوميه الخلطه البيضاء لا تسوينها غير بعد تجهيز الصينيه
^_^
دعواتكم لمن ربياتي صغيرا
4 التعليقات:
يعطيك الف الف عافيه ويرحم لك والديك
....سيتم تطبيقها بالويكند
اللهم امين
ويجزاك خير
اشكرك لردك وان شاء الله تزبط معاك
والله احيانا ودي اقول عسى يومك قريب وتجتمعين مع امك وابوك بالجنه
وعسى ربي يكتب لقاك انتي واخوانك والدينط بالجنه
ويرزقك الذريه الصالحه والزوج الصالح اللي حافظ عليك
وربي انتي بالنسبه لي سويتي شيء كبير لاني عزوبي ومتغرب واي شي اتاثر منه
انتي بالمدونه هذي اشغلتيني عن الحرام وابعدتيني عنه
كل يوم ادخل هنا وابدا اقراء واتنقاء واطبق
الله يوفقك يارب
والله انه صعب التعبير ولا ادري وش اقول علشان اشكرك
وباالاخير الطبخه هذي طبقتها ونجحت والحمد الله 100%
ولذيذه بالحيللللللللللل
اللهم امين
جزاك الله خير لدعائك خيوو
ولك مثله ان شاء الله وربي يرزقك ان شاء الله بالي تتمناه واكثر
وان شاء الله اكون عند حسن ضنك وضن الجميع يارب
إرسال تعليق