الكيكه الاسفنجيه بالاناناس
السلام عليكم ورحمة الله وبركاته
ممكن عمل الكيكه الاسفنجيه ساده او استبدالها بأي فاكهه محبوبه لكم
او ممكن دهنها بالدريم ويب ^_^
اول شئ نسوي الكيكه نفسها وهي عباره عن
كاسه دقيق منخول
ثلاث ارباع الكاسه سكر
ملعقه بكنج بودر منخول << انا انخله مع الدقيق مره وحده
نص ملعقه فانليا
سته حبات بيض
اول شئ احط البيض واخفقه بالخلاط شوي وبعدين اضيف الفانليا والسكر
واخليها تخلط لمدة ربع ساعه
وبعدين اشيلها واضيف الدقيق والبكنج بودر شوي واقلبها بملعقة الخفق بنفس الاتجاه بشويش الي ان يختفي الدقيق وبعدين اكرر الحركه الى ان يخلص الدقيق
تقريبا 3 مرات
وبعدين اجيب صينيه ادهنها بالزيت واحط في قاعها ورق زبده <<< ضروري عشان ماتخرب
وبعدين اجي لطريقة الاناناس
اول شئ اجيب تقريبا 4 فناجيل قهوه سكر واحمسه على النار
الين ماياخذ لون الكراميل ويذوب السكر
وبعدين احط بالصينيه
بشكل سريع ومتساوي يعني اهم شئ مايجي كتل ويكون فوق ورق الزبده
قبل ماينشف بقدر الامكان انشره في الصينيه وبعدين ارص الاناناس فوقه
وبعدين احط خليط الكيكه وطبعا الفرن شغال من قبلها من تحت والفرن ساخن
على نار متوسطه فقط من تحت تكفي والشبك بالنص دائما يابنات في الكيك الشبك بالنص
المهم وبعدين اخليه الين ماتستوي الكيكه تقريبا ربع ساعه بالكثير
وبعدين اطلعها واقلبها واشيل ورق الزبده برفق وهي ساخنه
واخليها على جنب الين ماتبرد تمام وبعدين اصب فوقها المويا الي في علبة الاناناس
وبعدين ادخلها الثلاجه عشان تكتسب بعض البروده
وطعم الاناناس وهو بارد افضل
معلومه :
طبقة السكر لازم تكون خفيفه واول ماتطلعينها من الفرن راح تحسينها جامده بس ماعليك هي تذبل مع الثلاجه سبحان الله وبعد ماتبرد
بالنسبه للتقطيع خليه اخر شئ
والصينيه صغيره
وبالنسبه للاناناس حاولي توزعينه في الصينيه انا وزعتها ونسيت احط قطعه بالنص @_@
لانه راح يكون افضل لو كان القاع كله اناناس يم يم
ورق الزبده مهم دائم في اطباق الكيك الي تكون فيها اشكال في قاع الصينيه لانه وقت القلب راح تضمنين انها ماتلزق
وبالعافيه
دعواتكم 
تابع الُمدونة
أقـســــام الـمـــدونـــة
-
اكــــــتشافــات غـــــــــذائـيـــه *_* بس على ذوقي
-
خرابيشي
-
ســـفـــــرتي ( مائدتي المنوعه ) قسم يختص بصور خاصه بالسفره
-
سهله وسريعه ((وصفات متنوعه))
-
قســـم الأرز
-
قســـم الباسكويت واطباق الشاي
-
قســـم الشوربة
-
قســـم الصواني والإدامات والمقليات
-
قســـم المشروبات البارده والساخنه
-
قســـم المعجنات واطباق الخبز
-
قســـم المقبلات والسلطات
-
قســـم المكرونة
-
قســم حلى القهوه
-
قســـم حلى مابعد الوجبات
-
قســم وصفات الرجــــيم المتنوعه
0 التعليقات:
إرسال تعليق