6 برياني اللحم من مطبخي

السلام عليكم ورحمة الله وبركاته
هلا بنات
كان عندنا عزيمه
اخوي جاب اصحابه واهلي موجودين
المهم عاد سويت اصناف وكان من بينها هالبرياني
ان شاء الله يعجبكم زي ماعجبهم
الكمية تكفي لعدد كبير من الناس ^_^
انا قبل كذا في المدونه مسويه برياني بالخضار وبدون لبن
والان مسويه لكم البرياني بطريقته الاصليه
وطبعا لو سويتو نص الكميه قللو في المقادير
الكميه الي انا مسويتها عباره عن 6 كاسات رز
يالله ندخل بالطريقه وتقدرين تسوينها بالدجاج
في زبديه حطيت
15 قطعة لحم صغيره وغسلتها وخليتها على جنب
الان
وفي الخلاط حطيت
واحد زبادي حجم كبير كامل الدسم
4 فصوص ثوم حجم كبير
ملعقتين زنجبيل مبشور
ملعقتين بهارات الكاري
ملعقتين بهارات البرياني والافضل تجيبين وحده صناعتها باكستانيه او هنديه
ملعقه ملح
وبصله كبيره مقطعه شرائح ومقليه بالزيت زي بصل الكشري ومصفيتها
يابنات مو خلاط العصير لا الخلاط العادي حق البصل والطماطم
المهم

بعدين خلطتها مع اللحم مزبوط وخليتها على جنب
حاولي انك تسوين هالخلطه من بدري يعني قبل الطبخ بكم ساعه بقدر الامكان
وحتى لو سويتيها بنفس الوقت مافي مشكله

الان
جبت قدر وحطيت فيه شوي زيت
وبصله مفرومه وفصين ثوم وملعقتين زنجبيل مبشور
بعد ماذاب اضفت فوقها الخلطه حقت اللحم والنار هاديه
وكل شوي اقلب الين ماحسيتها بدأت تنشف تقريبا تاخذ ربع ساعه
وبعدين اضفت حبتين طماطم كبيره مقطعه صغار
ملعقه من بهارات الكاري
وملعقتين من بهارات البرياني
وقلبتهم الين ماذابت الطماطم
وبعدين حطيت مويا ساخنه وخليتها تطبخ
وخليته يطبخ الين مايستوي اللحم وتنشف المويا
طبعا يابنات لا تكثرون مويا كل شوي حطو كل مانشفت الين مايستوي اللحم
مع التقليب المستمر
لاني ما ابي فيه مويا ابيها ناشفه
وبعد ماتنشف المويا ويستوي اللحم
حطيت تقريبا 3 ملاعق نعناع مقطع صغير و 3 ملاعق كزبره مقطعه صغير
وخلطتهم هذا بعد ماطفيت النار

الان
على جنب سويت
6 كاسات رز ابيض ( ملح وزيت ومويا فقط )

وبعدين قسمت الرز في اربع قدور
القدر الاول خليته ابيض زي ماهو
والقدر الثاني خلطته بالخطه حق اللحم
والقدر الثالث حطيت عليه ملون الطعام الاصفر
والرابع ملون الطعام الاحمر

وبعد قلبتها مزبوط
خلطتها كل الارز قبل الغرف

وغرفتها
و قدمتها بالعافيه
ترى التصوير كان سريع سريع بالصوره الاخيره عشان كذا مو واضح
يم يم
دعواتكم لمن ربياني صفيرا
ان شاء الله يعجبكم يارب ^_^
أميرة رمادي