السلام عليكم ورحمة الله وبركاته ازيكم يابنات @_@ اكيد طفشتكم بطرقي الي استخدمها في الرجيم او تثبيت الوزن كل مره اطلع لكم بهرجه ههههههه هالمره جبت لكم طريقه حلوه في التخفيف من اكل الخبز طبعا احنا كعرب متعودين على هالخبز في البيت لو مره باليوم واذ تركناه اسبوع نجي الاسبوع الي بعده نشتاق له والخبز فيه نسبه كبيره من النشويات وهو مسبب كبير لزيادة الوزن الرغيف الواحد يحتوي على اكثر من 100 سعره تقريبا @_@ عشان كذا في طريقه حلوه وتنفع اكثر شئ للي مايقدر يصبر لازم يوميا ياكل خبز وكمان تفيد للي يعمل تثبيت للوزن الطريقه انك تجيبين ربع رغيف من اي نوع تبيه من الخبز وتقطعينه اوصال صغار وتخلطينه مع الاكل الي تبيه يعني لما تبي تاكلي الايدام مثلا راح تحسين الربع رغيف قليل ويخلص بسرعه لكن لو تفتفتينه مع صحن الايدام راح يكون اقل بكثير وتاكليه بالمعلقه وراح تحسي بشبع بكذا ماقصرتي على نفسك بنفس الوقت جبرتي نفسك ماتاكلي اكثر من ربع رغيف انا اسويها اوقات مع صحن سلطه كبير واوقات حتى ممكن تخلطينها مع البيض المسلوق او حتى بدال ماتسوين ساندويتش جبنه تسوين هالحركه وتخلطي الجبنه بالصحن مع طماطم او اي شئ المهم يكون ربع رغيف بدون ماتحسين انه قليل يعني لو سويتي هالطريقه 3 مرات في اليوم يصير وفرتي كثير من السعرات الحرايه اقل من الي تاكليه دايم واكلتي فقط ثلاث ارباع رغيف في اليوم الواحد مره حلوه صح بالنسبه للصوره الي مصورتها لكم هذه تونه مع بصل وطماطم وفلفل رومي وربع رغيف ونص ليمون كبيره عصرتها من قلبي قبل ما اكلها ههههه يالله نشوفكم وقت ثاني اي صح نسيت اقول لكم ترى انا اسوي بالرز نفس الشئ اجيب ست ملاعق طعام اخلطها مع الايدام او السلطه عشان ما اكل رز كثير ^_^ مع السلامه دعواتكم 
تابع الُمدونة
أقـســــام الـمـــدونـــة
-
اكــــــتشافــات غـــــــــذائـيـــه *_* بس على ذوقي
-
خرابيشي
-
ســـفـــــرتي ( مائدتي المنوعه ) قسم يختص بصور خاصه بالسفره
-
سهله وسريعه ((وصفات متنوعه))
-
قســـم الأرز
-
قســـم الباسكويت واطباق الشاي
-
قســـم الشوربة
-
قســـم الصواني والإدامات والمقليات
-
قســـم المشروبات البارده والساخنه
-
قســـم المعجنات واطباق الخبز
-
قســـم المقبلات والسلطات
-
قســـم المكرونة
-
قســم حلى القهوه
-
قســـم حلى مابعد الوجبات
-
قســم وصفات الرجــــيم المتنوعه
2 التعليقات:
مشكورة
العفو
حياك الله
إرسال تعليق