السلام عليكم ورحمة الله وبركاته اللهم انصر مسلمين سوريا وارحم موتاهم واشفي مرضاهم وثبت اقدامهم يارب اللهم صبرهم وعجل في نصرهم يااااااااااارحمن الدنيا والاخره اللهم ضاقت بهم الدنيا وأنت وحدك كاشف همهم وكربتهم اللهم انصرهم عاجلا غير اجلا . وسلط على بشار واعوانه وارنا فيهم مايفعلونه بالمسلمين واكثر اللهم امين اللهم امين اللهم امين …… ندخل بالموضع اليوم جبت لكم طريقة السينابون طبعا دايم اقول لكم انا ما ا حب الستخدم عجينه بالزبده في الحلى عشان كذا هذه هي طريقة العجينه الي انا استخدمتها او ممكن تستخدمي العجينه الي انت تبينها http://rmady-2009.blogspot.com/2012/03/blog-post.html بالنسبه لطريقه جدا سهله اول شئ افردي جزء من عجينتك على شكل مستطيل وتكون مو خفيفه خليها سميكه شوي وحطي طبقه من الزبده الذائبه ( يعني مخرجتها من بدري من الفريزر ) وتكون الطبقه واضحه يعني مو شوي ولاكثير ممكن ربع وبعدها رشي طبقه من القرفه المطحونه الجاهزه ( لانها تجي غير حاره ) يم يم ريحتها تجنن وحاولي تكثرين منهااااااااااااااااااا وبعدين حطي طبقة من السكر البني المطحون والسكر البني يابنات في نوعين نوع يجيك غامق جدا ونوع عادي استخدمي العادي وانتبهي استخدمي المطحون تلاقينه في علب ومره مطحون زي الدقيق وممكن في اكياس لان بعضها مايكون مطحون يجي مجروش وطبقة السكر كمان خليها كثيره زي القرفه وبعدها حطي قطع من الجالكسي سوا الساده او الي بالفسدق زي ماتحبين وكل قطعه من الجالكسي انا قسمتها نصين اهم شئ يكون الجالكسي من بدري خارج الثلاجه هو والزبده وبعدين لفي العجينه حقتك شوي شوي وطبعا يدك يكون فيها دقيق عشان ماتتلزق العجينه ولا تخافي ماراح يضرها بشئ يابنات انتبهووو اطراف السينابون لا تحطين فيها لازبده ولا غيره عشان تتلزق معك في النهايه ولفي ولفي وشدي اللفه بس مو من قلبك *_* واتأكدي انها قفلت مزبوط بعد ماتخلصين اللف قطعيها لقطع مو صغيره ولا كبيره شبه كبيره يعني عرض ثلاث اصابيع تقريبا وانت بكيفك المهم ورصيها في صينيه مدهونه بالزيت وبين كل وحده والثانيه مسافه وسخنيها من تحت ثم تحمر من فوق …………………. وانا صورتها لكم بثلاث طرق طريقه لما اخذت القطعه من اسفل من النص ضغطت عليها فبرزت من النص كأنها ورده بس مو كثير شويتين بس تحسينها زي الي تفتحت وتقربين اطرافها بشكل خفيف من تحت على بعض بس مو مره لا شوي بس تقربينها يكون شكل الورده هو الي على فوق في الصينيه وهذه صورتها وهذه الطريقه شكلها احلى من العاديه ^_^ والطريقة الثانيه كمان واضحه بنفس الصوره هي لما تقطعينها قطعيها بشكل مائل وخليها زي ماهي لاتحطين الوجه فوق لا خليها من الطرفين مائله زي ما انتم شايفين بالصوره والطريقة الثالثه الي هي حلقات بس ماتضغطين عليها من تحت وتكون مدوره عاديه في الصوره كمان مسويه كب كيك عادي وقسمته بالنص وحطيت مربى ^_^ ومالتيزر حق الدلع بالنسبه للخلطه الي فوق اليسنابون عباره عن ( نص علبه حليب نستله + اربع حبات جبنه كيري ) في خلاط العصير تتخلط مزبوط كمان حطيت شوكلاته سائله جاهزه وكمان رشيت على الوجه فسدق و جاكو كسرتها مو طحنتها …………………………. تقدرون انتم تحطون اي انواع مكسرات عادي وكمان الجالكسي مو ضروري ممكن اي نوع تحبينه او بدونه او مكسرات عاديه او زبيب وكمان في شغله مهم جدا انك اول ماتطلعين السينابون من الفرن ضروري تغطينه بقصدير او غطاء ضروري الين وقت التقديم تضيفين عليه الشوكلاته والنستله وتقدمينه وزي ماقلت لكم واعيد لكم العجينه تكون شبه سميكه او سميكه أميرة رمادي دعواتكم للمسلمين في كل مكان ودعواتكم لأمي وأبوي بالفردوس الاعلى 
0 التعليقات:
إرسال تعليق