8 كيكة الدخن بدون تمر من مطبخي

السلام عليكم ورحمة الله وبركاته

يالله صباااااااااااح خير

جبت لكم طريقة كيكة الدخن بمقادير عجبتني بصراحه  لقيتها منتشره بالنت وقلت بجربها

وزبطت معاي من اول مره ماشاء الله

الله يجزاها بالخير صاحبة هالمقادير

المهم يالله ندخل بالموضوع

اول شئ بخلاط العصير وبالكااسات العاديه حقت المويا او الجبنه الطويله

حطي ( 3 بيضات – نص كاسه زيت – كاسه سكر – كاسه حليب بودره – كاسه مويا – رشه فانليا )

وخليها تخلط مزبوط

في زبديه  ( كاستين دخن منخوووله – ملعقه كبيره بكنج بودر )

بعدين حطي الخليط على الدخن وقلبيه بالملعقه اليدويه حق الكيك

قلبي مزبوط بأتجاه واحد الين مايختلط المزيج معاك

وحطيه بصينيه مدهونه  وترشين على الوجه يا سمسم يا حبة البركه  ياكلها سوا

 

وخلي الفرن الساخن  ^_^

طبعا في النص على نار متوسطه  من تحت وشوفيها

ثم شغليه من فوق وسلامتكم

وهذه صورتها

وانا نسيت احط على الوجه سمسم وحبة البركه  ^_^

 

ملاحظه ::

انا ما احب استخدم التمر كثير في طبخاتي

لكن الي تبي تسويها بالتمر

اثناء وضعها في الصينيه تحط نص الكميه وبعدين تفرد طبقه بسيطه من التمر المعجون

وبشويش

وبعدين تحط باقي الخليط

تصير لك زي البسبوسه المحشيه ^_^

 

يابنات ترى الدخن يجي فيه شوائب عشان كذا لا تهملون نخله 

 

وكمان الدخن مفيد لمرضى السكر الله يشفيهم

تسوون هالكيكه لهم  بس بدون سكر  ^_^

 

دعواتكم لمامتي وبابتي