¨°•√♥ ماشاء الله تبارك الله ♥√•°¨

بسم الله الرحمن الرحيم

حياكم الله في مدونتي نورتوني ^_^ اتمنى لكم وقت ممتع مع مطبخ أميرة رمادي مع الاصناف المنوعه المجربه وافكاري واكتشافاتي في عالم الطبخ .. دعواتكم لوالديااا ولي جزاكم الله خير . والرجاء الرجاء الرجاء من الرجال عدم الكتابه في مدونتي بشئ لا يخص المدونه ومحتواها او الطبخات او الاستفسارات او الاراء او الدعاء طبعا لوالديا ^_^
مطبخ أميرة رمادي

ღ دعواتكم ღ ❀ لأمي وأبي بالفردوس الأعلى❀

اللهم ارحمهما كما ربياني صغيراواجعل قبرهما روضه من رياض جنتك وجازيهما بالحسنات احسانا وبالسيئات عفوا وغفرانا اللهم حرم لحمهما ودمهما وبشرتهما عن الناراللهم اجعلهما من المستبشرين برب راضي وجنات الفردوس الاعلى اللهم امين اللهم امين اللهم امين ❀

الثلاثاء، 9 أكتوبر 2012

0 الكروسون من أميرة رمادي

السلام عليكم ورحمة الله وبركاته

كلنا نعرف كيف نسوي كروسون

بس زي ماقلت لكم انا احب انزل اي شئ يمر علي اصوره

بنفس الوقت اراعي البدايات في الطبخ

وبنفس الوقت لا تنسون الاجر من وراء هالاشياء

المهم

الان الكروسون طبعا عباره عن عجينه نسويها

اما بالزيت او الزبده وكلها حلوه بس انا اشوف الزبده اطعم للكروسون

والسالفة سالفة اذواق

الكروسون يتعمل احجام اوقات يكون حجم كبير جدا زي الي نشوفه في المحلات

والمطاعم وهالنوعيه ممكن نحشيها من بدري وممكن بعد الطبخ نحشيها

مثلا بجبنه صفراء او شرائح او ممكن خس وطماطم

وفي نوع كروسون العادي الي يكون حجمه مابين متوسط صغير وهو على الغالب نسويه في البيت

وهالنوعيه نحشيها من بدري بسبب صعوبة حشوتها بعد ماتتحمر

بالنسبه للحشوات ممكن تكون ساده بدون حشوه لكن تخلط الحشوه مع العجينه من الاساس

فهمتوني اكيد ^_^

وكمان ممكن نسوي كرسون بالجبنه البيضاء الساده

وممكن جبنه ببيضاء مخلوطه باي شئ بس يكون شئ غير سائل

مثل الكزبره او البقدونس او رشه زعتر

وممكن يكون بالجبنه الكاسات او الشذر

وممكن يكون بالزعتر وممكن يكون بالنوتيلا او الجالكسي

كمان بعد مانسوي الكروسون قبل وضعه في الفرن

ممكن نخليه ساده على الوجه

او ممكن ندهنه بطبقة بيض بسيطه

وممكن نرش فوق البيض سمسم او حبة البركه ( حبه سوداء )

,,,

الان انا صورت لكم طريقه لف الكروسون عادي

بس طريقة التقطيع في العجينه لما تكون مستطيله اسهل من العجينه الدائريه

وكمان ماتكون العجينه رفيعه جدا ولا تخينه جدا

كمان ممكن لف الاطراف على شكل قوس مشبوك ببعض او ممكن قوس قريب من بعض

او ممكن بدون اقواس يعني بس نلف الكروسون وخلاص يطلع على شكل مستطيل

هذه الصور تشرح اكثر

SD

هذه الصوره توضح سمك العجينه وكمان انها على شكل مستطيل

افضل من لما نفردها دائريه

وتكون مثلثات عكس بعض

والسكين غير مشرشره

RE

وهذه صورة الحشوه وكمان نمط الجهات الثلاث شوي بس

مو مره عشان الاطراف ماتطلع نحيفه

FGF

هنا بالنسبه للف مانضغط لا

نلفها بلطف باطراف الاصابع او نصف الكف

بطريقه سريعه

وبعد لفها نشبك الاطراف ببعض وهي راح تتمطمط شوي

ماعليك لا تشيلين همها

توضع في الفرن على نار هاديه من تحت في صينيه مدهونه

وبعدين نشغلها من فوق

وانتبهي مو تخلينه يطول او يصير  احمر

لا بس يادوب تبدأ يتغير لون العجينه وتصفر خلاص تطفي النار

قبل مايتحمر

W

هذا شكله ساده والعجينه هنا كانت بالزبده

وهذه بيوم ثاني

EE

وهذه الصوره للكروسون بدون لف الاطراف

يعني بمجرد مانقطع المثلثات لا تمطيني ولا امطك ههههه

ويكون التقطيع بالقطاعه المشرشره اكيد عرفتوها ^_^

يعني حركات بس

وكانت هالصور لعجينه عاديه بدون زبده

يالله بعافيه

انا تمنيت اني قلت كل المعلومات الي اعرفها في طريقة الكروسون

وهالمعلومات راح تنفع المبتدأت

والله يقوينا واياكم يارب

دعواتكم لمن ربياني صغيرا

^_^

 

0 التعليقات:

إرسال تعليق

=--> (لمشاهدة كل مواضيع المدونه اتبعي كلمة رسائل اقدم الموجوده في نهاية كل صفحه ) <--=
مطبخ أميرة رمادي
 

المتابعون

للتواصل عن طريق الرسائل

RW1400RW@GMAIL.COM

المتواجدون :*_*: اتحذف العداد القديم وبدينا من جديد