السلام عليكم ورحمة الله وبركاته
هلا بنات كيفكم
كل منا تمر بمراحل تضيق عليها الدنيا ومشكله او صدمه تخليها ماتعرف وش تسوي او على الاقل كيف تخفف شوي من نفسها او من دموعها او من النار الي شابه في صدرها
موت . مرض , فقر . ظلم شخص مهم في حياتك … الخ
الى ان نصل الى المشاكل التفاهه الي من بينها روحت الشغاله عنك هههههههههه
في ناس تحسب ان الشكوى للاقارب او الاصدقاء هي العلاج
لا والله مو علاج بس نوع من انواع التخفيف وقت الشكوى بس بمجرد ماتقفلين الخط يرجع لك همك
المهم
شو ماكان همك اذ تبي النار تروح ودموعك توقف سوي حاجتين وانا دايم اسويها وقت الهم الشديد
اول شئ اتوضي وصلي ركعتين
ثاني شئ اقرأي صفحه من القران
والله ثم والله لا شكوتك ولا صراخك هو حل لمشكلتك او همك او ضيقتك
حتى لو تكونين في اي موضوع مخيره بين خيارين صعبه سوي هالشئ وشوفي كيف تحسين
انا اقولك شغله @_@
الان كونك قمتي من مكانك الي كان بداية الهم هذه نقطه اجابيه وتخليك تفكيرين بطريقه اعمق
وكونك توضيتي وصليتي هذه كل الراحه والله كل الراحه
وقرأت القران راح ترسل السكينه لقلبك
اوقات بعد ماتصلين او اثناء الصلاة راح تنهارين من البكاء بس ماعليك كملي
وبعد ماتخلصين اقرأي وانت تبكين عادي
وممكن تبكين بكاء اشد بكثير من وقت الصدمه
لكن صدقيني بمجرد ماتطبقين سجاتك راح تحسين براحه نفسيه مايحس فيها غير المجرب
هذا علاج يخليك تعرفين كيف تفكرين وقت اي مشكله تحصل معاك
وعادي لو استمر همك لأيام سوي هالشئ كل ماحسيتي بالضيقه ماتفرق
لانها هي الي تشيل ضيقتك فقط
ولا زم نتذكر الناس الي اخس منا في مشاكلهم عشان نهون علينا
ولا تنسون طبعا الدعاء والاستغفار راح يجيك من نفسه
وفي جمله انا دايم اقولها مع اذكار المساء والصباح ( اللهم اني اسألك الصبر عند القضاء )) صدقوني وقت المشكله حتى لو تكون بموت احد عزيز عليكم راح تهون كثير
رددوها قبل المشكله ووقت المشكله وراح تشوفون الفرق
والله يبعد عنا وعنكم المشاكل يارب ويهون علينا مشاكل الدنيا وهمومها
