0 توفيه بس مختلفه جدا جدا

السلام عليكم ورحمة الله وبركاته
هلا بنااااااااااااات كيفكم
اليوم جايبه لكم حلى اخو التوفي من الرضاعه @_@
بس يفرق بالمكونات والطعم لكن كأنها توفيه مخلطه
ماتوقعتها قريبه بالطعم بس طلعت حلوه
اتمنى يعجبكم

واحد كيس شعريه باكستانيه تكسرينه بيدك وتحمصينها على النار وبعدين تحطيها في الفرامه عشان تتكسر مزبوط
كوب من النارجين المبشور كمان تحمصينه على النار وتخلينه غامق
الان تجيبي زبديه تحطي فيها 3 بيضات مع ربع ملعقة فانيلا مع ربع ملعقه هيل مطحون مع نص ملعقه بكنج بودر
وتخلطيها بالخلاط الكهربائي مزبوط
وبعدين تضيفي عليها ثلاث ارباع كوب من السكر وواحد قالب زبده الي حجمها 100 جرام
وتخلطينها معا ها بالخلاط مزززززززززززبوط
بعدين تحطين فوقها كريمة الخفق الجاهزه الحجم الصغير 250 مل
وتحطين كمان قشطه قيمر الحجم الصغير

وبعدين تحطين النارجين والشعريه الي جهزتيها
من بدري
وتخلطينها مزبوط مع بعض وبعدين تحطيها في صينيه صغيره لكن مو لصغيره مره
المهم طبعا مدهونه بالزيت وتخلينها بالفرن على نار هاديه لمدة 40 دقيقه تقريبا
وتطفي النار وتطلعيها وتخليها تبرد
الان تجهزي التوفي
الي هو عباره عن نص كاسه سكر تذوب على النار وبعدين نظيف عليها قشطة قيمر صغيره ونحرك بسرعه
لما تذوب تمام ندهن فيها وجه الحلى السابق
الزيييييييييييييييييييييييينه .....

بالنسبه للكور الموجوده على الوجه
اول شئ جبت كاسه نارجين ونحمصته على النار بس نص تحميصه
يعني صار بعض النارجين بني وبعضه ابيض
وخلطته مع 4 ملاعق من الشعريه الباكستانيه اخذتها من الخلطه الي مسويتها من نفس الحلى لانها محمصه وجاهزه هههههههههههه حراميه
المهم وخلطة معاهم حليب مركز تقريبا اكثر من الربع وسويتها كور وخليتها بالفريزر الين وقت التقديم رصيتها فوق الحلى
وبعدين رشيت على الوجه شوي النارجين
وبس

^_^ اتمنى عجبكم الحلى يابنات