0 روبيان قاع القدر من اموره الاموره

بــــــــــــسم الله
مرحباااا بنوووتات
بصراحه انا اول مره بحياتي اطبخ الروبيان
ولما روحت اشتريه
على بالي باشتري الروبيان الكبير الي اشوه بالصور
ياماااااااااامي شفت شكله ههههههه له عيون طالعه على بره هههههه

ولونها اسوووووود<<اول مره تشوف روبيان طازج قدام عينها
وع <<<اللهم لك الحمد على النعمه ياربيبصراحه مره ماقدرت اشتريه شكله يخوف

قلت في نفسي يابنت يا أميرة اشتري
من روبيان الثلاجات الي متعوده عليه
والحمدالله طلع روبيان او عريش اطعم روبيان ثلاجات <<خخخ اقصد مجمد :D
<<<تسوي اعلان
المهم يابنات ندخل بالموضوع
بصراحه طلع الغدى حلوووووووووووووووووووو طعمه
<<تسلم يدك يااموره يالله نبدأ
وعلى قول اخواتي الغاليات ( ماشاء الله تبارك الله )
الله يجزاهم الخير والله
بداية لمواضيعي
المقادير:

4 كاسات رز
ملعقة صغيره زعفران
ربع كوب زيت
ملعقه صغيره زنجبيل مطحون
4 حبات ثوم مفروم
2 بصل كبير ومفروم
ملعقة صغيره هيل مطحون
ملعقه قرفه وملعقه كمون
لومي مجفف
نصف كوب كزبره مقطعه
ملح فلفل اسود نص ملعقة صغيره
روبيان (وانا جبت كيسين متوسطة)
ملعقتين من بهارات السمك
الطريقة:
اغسلي الرز وانقعيه في ماء لمدة نص ساعة (ماء ساخن)
وانقعي الزعفران في ملعقتين من الماء واتركيه على جنب
في قدر متوسط سخني زيت واضيفي الزنجبيل والثوم والبصل وقلبيها على النار
حتى يصبح لونها ذهبي

ثم اضيفي الكزبره عليها وقلبيها إلى ان تذبل تماما
والان اضيفي الهيل والقرفه والكمون واللومي والملح والفلفل والروبيان وقلبيها على نار قويه

لمدة خمس دقائق ويصبح لون الروبيان وردي
الان رتبي الروبيان بقاع القدر ورصيها بجانب بعضها البعض
ووزعي الارز فوق الروبيان بهدوء وذلك مع الماء الذي نقعتيه فيه

ملاحظه:لايكون الماء كثير تقريبا نص كوب او اكثر بقليل
واتركيه لمدة 20 دقيقه ثم ضعي الزعفران على والوجه
واتركيه 10 دقائق اخرى
والان قدميه بالعافيه

بالله مو احلى من الروبيان ابو عيون