¨°•√♥ ماشاء الله تبارك الله ♥√•°¨

بسم الله الرحمن الرحيم

حياكم الله في مدونتي نورتوني ^_^ اتمنى لكم وقت ممتع مع مطبخ أميرة رمادي مع الاصناف المنوعه المجربه وافكاري واكتشافاتي في عالم الطبخ .. دعواتكم لوالديااا ولي جزاكم الله خير . والرجاء الرجاء الرجاء من الرجال عدم الكتابه في مدونتي بشئ لا يخص المدونه ومحتواها او الطبخات او الاستفسارات او الاراء او الدعاء طبعا لوالديا ^_^
مطبخ أميرة رمادي

ღ دعواتكم ღ ❀ لأمي وأبي بالفردوس الأعلى❀

اللهم ارحمهما كما ربياني صغيراواجعل قبرهما روضه من رياض جنتك وجازيهما بالحسنات احسانا وبالسيئات عفوا وغفرانا اللهم حرم لحمهما ودمهما وبشرتهما عن الناراللهم اجعلهما من المستبشرين برب راضي وجنات الفردوس الاعلى اللهم امين اللهم امين اللهم امين ❀

الأربعاء، 27 أكتوبر 2010

35 بالتفصيل طريقتي في المكرونه بالباشمل بصور المنتجات

السلام عليكم ورحمة الله وبركاته
كيفكم بنات ^_^
وحده من البنات طلبت مني طريقة المكرونه بالباشمل بالتفصيل
طبعا انا ماصدقت احد سألني خخخخخخخ وجهزت لها الموضوع بالتفصيل المممل
ان شاء الله اني افيدها وافيدكم بأفكاري وطريقي
طبعا اول شئ نقول بسم الله
,,,,,,,,,,,,,,,,,,,,,,,,,,,,,,,,,,
qatarw.com_1737724447
الان بالنسبه للطريقه
طبعا اول شئ طبقة المكرونه بالباشمل
ثم رشه جبنه موزرلا
ثم طبقة الخلطه (الحشوه)
ثم رشه جبنه موزرلا
ثم طبقة المكرونه الساده
ثم رشه جبنه موزرلا
ثم طبقة الباشمل
ثم البقصماط ويكون جديد طازج اكثر شئ ثلاث شهور
راح اشرح لكم بالتفصيل كل شئ
اول حاجه يابنات نوع المكرونه وطريقة سلقها
بالنسبه لنوع المكرونه مو مشكله تستخدمي أي نوع مافي نوع معين
بس عموما المكرونه ذات الاحجام الكبيره هي الافضل
وافضل انواع المكرونه هي الاسبقتي ( أي المكرونه الطويله ) لانها اطعم شئ للباشمل
وافضل شركه بالنسبه لي هي المكرونه الايطاليه (العلالي)بصراحه ماتصير منفوشه ولا منفوخه انا احبها
qatarw.com_1156924097
وطريقتها انك تسخني مويا للسلق مع ملعقه ملح ومكعب ماجي وشوي زيت فقط
إلى ان تغلي المويا ثم تضاف المكرونه بعد كسرها بالنص فقط
وطبعا الافضل انك ماتسلقي المكرونه من بدري لكن لو حصل وسلقتيها
بعد تصفيتها تماما تغسليها بالمويا البارده الي من البزبوز عشان ماتنشف وتشبك معاك
وطبعا يابنات السلق الزايد مو حلو لانها تعجن المكرونه يعني الين ماتشوفيها تتقطع معاك بالسهوله صفيها وخلاص
qatarw.com_1737724447
بالنسبه للحشوه /
الحشوه يابنات تفرق على حسب ذوقك
وانا راح اكتب لكم طريقة ثلاث حشوات ممتازه وانتم كل مره جربوها بطريقه #_#
اول شئ حشوة اللحم المفروم
طبعا الاختيار الجيد للحم المفروم له دور كبير في نجاح الطبخ
اللحم المفروم الطازج هو افضل نوع
ثم اللحم المربع الي تبع امريكانا بصراحه اجود انواع اللحم المفروم الي جربتها مع اني ما احب منتجات امريكانا مره بس بصراحه هاللحم جيد
qatarw.com_144245014
بالنسبه للمقادير راح تكون مناسب لكل حبه مكررونه وحده مربع من اللحم
وبصله كبيره ونص وكمان 6 حبات من فصوص الثوم
اول شئ تكشني الثوم والبصل في شوي زيت واول مايذبل تحطي اللحم
وتخليها تطبخ الين مقارب الاستواء تحطي ملعقه ملح وملعقه كمون
ومكعب ماجي ونص علبه صلصه <<<اختياري الصلصه يعني مره حطيه ومره لا
وقبل ماتطفينها حطي 4 ملاعق من الكزبره المفرومه
حشوة الدجاج
طبعا افضل شئ يستحسن استخدام صدور الدجاج بدون عظم تقريبا من 4 الى 6 صدور
البصل والثوم بنفس المقادير السابقه وتضيفي معاها شرائح طويله ورفيعه جدا
من الفلفل الرومي الاخضر والاصفر والاحمر وتكون كلها حجم صغير
والبهارات نفس البهارات السابقه
بدون اضافة صلصه ولا كزبره
حشوة التونه
نفس الدجاج ولكن الفلفل الرومي يقطع مربعات صغيره جدا
والزيت الي يتسخدم في البصل والثوم يكون هو نفسه زيت التونه
تكفي 2 تونه فقط حجم كبير <<< والافضل يكون النوع الجيد من التونه
وهذه صوره لتونتي المفضله ( بوتان)
qatarw.com_247432327
ويضاف شوي كزبره وشوي بقدونس
وشوي من بهارات السمك
qatarw.com_311726588
والان للسحررررررر وهو الباشمل
اول شئ يابنات المقادير تكفي لمكرونه وحده والمكرونه الوحده يعني صينيه كبيره مدوره وليست مستطيله لان المستطيله تجي كبيره مره
الباشمل
جيبي كاسه وبنفس الكاسه احسبي المقادير كلها
بالخلاط حق العصير حطي التالي
كاسه وربع من الحليب الجاف
نص كاسه من الدقيق
بيضه
مكعب ماجي
مقدار غطاء من الزيت
رشه ملح خفيفه جدا
4 كاسات من الماء <<< واذ الخلاط صغير حطي 2 والاثنين الثانيه بالقدر
اخلطي كل المقادير بالخلاط وبعدين صبيها بالقدر
وحطيها على النار مع التقليب المستمر الين ماتثقل معاك بس مو مره تثقل شوي تحسي بالثقل اقفلي النار ثم
اضيفي 4 ملاعق طعام مليانه من الجبنه السائله
وملعقتين طعام من المايونيز وقلبيها مع الباشمل
الان كل شئ جاهز رتبيها بالصينيه دون دهنها
زي ماكتبت لك الطريقه بالبدايه
وراح تزبط معاك
طبعا اول شئ طبقة المكرونه بالباشمل
ثم رشه جبنه موزرلا
ثم طبقة الخلطه (الحشوه)
ثم رشه جبنه موزرلا
ثم طبقة المكرونه الساده
ثم رشه جبنه موزرلا
ثم طبقة الباشمل
ثم البقصماط ويكون جديد طازج اكثر شئ ثلاث شهور
qatarw.com_1737724447
ملاحظات /
1-الطبقه الاولى من المكرونه هي الي تخلط بنص الباشمل
يعني المكرونه تقسم لقسمين نص تدهنينه بالباشمل ونص لا
والطبقه السفليه للمكرونه تكون رفيعه جدا
وباقي الباشمل يوضع في الواجهه فقط
2-لا تستخدمي القشطه في هذه الطبخه نهاااااااااااائيا
3-قبل وضع البقصمات ذوقي طعمه لو قديم لا تحطينه
ممكن تفتي شوي شابوره او لا تحطينه ويكون رش وليس طبقه
4-الجبنه الموزرلا توضع ثلاث مرات فقط مره قبل اللحم ومره بعده
ومره بعد المكرونه وقبل الباشمل وتكون مجرد رش متوسط وليس كثير
5-لما تتحمر المكرونه شوي طلعيها من الفرن بسرعه لانها وهي خارج الفرن راح يزيد احمرارها
6-لاتقطعي المكرونه قبل مرور سبع دقائق من اخراجها من الفرن
7-المكرونه الواحده تكفي لصينيه كبيره عشان ماتطلع سميكه معاك
qatarw.com_311726588
,,,,,,,,,,,,,,,,,,,,,,,,,,,,,,,,,,,,,,,,,,,
اتمنى ارشاداتي واضحه و وصلت المعلومه مزبوط يابنات ^_^
واي سؤال بخصوص هالموضوع حياكم الله
وانا متأكده الي تسوي طريقتي ماراح تندم بيوم ان شاء الله
^_^ كل ما اريده الدعاء للأموات
والله يوفقنا واياكن

35 التعليقات:

غير معرف يقول...

ماشاء الله تبارك الرحمن
روعة
كفيتي ووفيتي يالغلا

ما أقول إلا الله يغفر لأمك وأبوك ويرحمهم ويحفظك من كل شر

مررررررررررررررة اشتهيت المكرونة

أميرة رمادي يقول...

جزاك الله خير
ويغفرك يالغلا
اسعدني ردك مشكوره خيتوو ^_^
وحياك الله

غير معرف يقول...

الله يغفر لامك وابوك ويجعل مثواهم الجنه

المكرونه شكلها اليم

الله يعطيك العافيه

أميرة رمادي يقول...

جزاك الله خيررررررر
والله يعافيك
اسعدني دعائك وتواجدك
^_^ حياك الله

nemoεïз يقول...

ماشاء الله جزاك الله خير
والله شكله مره طعم ^_^
اسكنك ووالديك الفردوس الاعلى

أميرة رمادي يقول...

جزاك الله خير
حياك الله يالغلا

الفلوة يقول...

روووووووووووووووووووعة يا اميرة الاميرة الله يرحم والديك ويجعل قبورهم روضه من رياض الجنان ويجمع شملكم ولا يفررررررقكم

أميرة رمادي يقول...

اللهم امين
الله يجزاك بالخير يالغلا
ان شاء الله تعجبك خيتووو
منوره

غير معرف يقول...

جزاك الله خير

أميرة رمادي يقول...

واياك يارب
شكرا لدعائك
حياك الله

غير معرف يقول...

رووووووعه ربي يسعدك ان شاء الله

ويغفر لابوك وامك يارب ويسنهم اعلى جناته

أميرة رمادي يقول...

اللهم امين
الله يجزاك بالخير ويسلمك
حياك الله خيتوو

غير معرف يقول...

وااااااو صراحه روعه اموره الله يرحم والديك والجميع اموره خلاص مو قادره اتحمل واااااو لذيذه كفيتي ووفيتي اروج

أميرة رمادي يقول...

اللهم امين ويرحم اموات المسلمين
هلا وغلا فيك اروج اسعدني تواجد هههههه الله يسعدك
خذي لك وصله هههههه

غير معرف يقول...

ماشاءالله
ابدااااااع

الله يرحم والديك ويجمعك فيهم بالفردوس الاعلى واموات المسلمين

أميرة رمادي يقول...

اللهم امين
الله يجزاك بالخير
شكراااااا لك بارك الله فيك

غير معرف يقول...

تــــســلمين والله كنت محتاجه لشررح مثلك
جزاك الله خيير والله يوفقك

أميرة رمادي يقول...

اللهم امين ويجزاك يارب
والله يسلمك

غير معرف يقول...

الله يحرسك استمتعت بموقعك .. غفر الله لوالديك ووالدينا وجميع المسلمين الأحياء والأموات .. آمين

أميرة رمادي يقول...

اللهم امين
جزاك الله خير على هذه الدعوه
وبارك الله فيك

حياك الله

غير معرف يقول...

الله يرحم والديك ... جزاك الله خير تسلم ايدينك

أميرة رمادي يقول...

اللهم امين
وجزاك الله خير

حياك الله خيتوو

غير معرف يقول...

طيب حبيبتي البقسماط ضروري او لا وتكفي كم شخص عشان بسويها لي زلزوجي بس

دعواتي الصادقة لك

أميرة رمادي يقول...

اهلين خيتوو
بالنسبه للبقسماط عادي لو ماعندك اطحني شابوره او كسرها بيدك وحطي شوي منها بداله
ولو ماعندك خلاص مو ضروري
بالنسبه للكميه انت استخدمي صينيه وسط بس الحجم القريب من الكبير تكفي لوحده مكرونه عشان ماتجيك تخينه
وعادي الدجاج واللحم او التونه زي ماتحبين حطي في المقادير
واذ انت وزوجك نفرين بس اتوقع لو سويتي صينيه صغيره
والمكرونه نص وحده تكفيكم
مع سلطه مطحونه حاره يم يم ههههه
ان شاء الله افدتك
لان شوفي احنا بالبيت عددنا اربعه مع الشغاله صرنا خمسه ووحده مكرونه تكفينا بالراحه
والصينيه حجم متوسط
وكمان اوقات يزود منها
وانااحط لحمه وحده كامله لاني احبها كثير في المكرونه والتونه ثنتين
وانت ادرى بنفسكم ^_^
بالعافيه عليكم ^_^

غير معرف يقول...

مشكوووورة عالرد ان شاءالله اجربها قريب

أميرة رمادي يقول...

العفو

حياك الله ^_^

غير معرف يقول...

ينفع بدون بيضة؟
ويسلمو

غير معرف يقول...

انا الي سالتك عن الكمية لي ولزوجي سويتها بنفس مقاديرك بالمره تصير عشاء لكن بدون جبن موزورلا وطلعت حلوة مع انو طفشتني فالفرن الكهرب لاني اول شي شغلت عليها من تحت وفوق شفتها طولت خليته من فوق بس

لكن حسيتها مو مره متماسكة وبيضا زي حقتك >> بدينا الغيرة هههه


بس تبغي الصراحة البشاميل مكلف نوعا ما ودسم عن باقي البشاميلات بس لذيذ

جزاك الله ولوالديك كل خير

أميرة رمادي يقول...

اهلين وسهلين فيكم حياكم والله

بالنسبه للي سألت عن البيض لا قلبو لازم بيض ضروري

بالنسبه للي سوت المكرونه وجزاك ياقلبو
اي بالنسبه للباشمل لانه مميزه وداسم الدسم احلى
وطلعت مو متماسكه ممكن لانك ماخليتها تاخذ وقتها الكافي وهي مع بعض او ممكن كاسات المويا كانت كبيره اكبر من الحجم العادي
^_^
ومع الوقت اكيد راح تزبط يوم عن يوم

بالنسبه للفرن الله يعينك الكهربائي جربته في بيت اخوي
مره متعب


حياكم الله مره ثانيه يابنات

غير معرف يقول...

كح كح احم احم كل عام وانتي بخير يارب ربي يعطيك من فضله ويكفيك شر الناس

زماااااان عن المدونه شسمه ههه طبعا شفت البشبوشه وطرت طيران ل هنا اخر مره سويتها مازبطت وهالمره بسويها بطريقه اميره رمادي يارب تزبط ترى ان مازبطت ياويلك هاه هاه ...\\ دعابه دعابه

مملكة وجدان ..

غير معرف يقول...

اللهم إرحم والدينا ووالديها يا رحمن يارحيم
وتجاوز عنا وعنهم ياكريم
اللهم إنا نبرأ من حولنا وقوتنا ونلجأ الى حولك وقوتك
وإن أمرك بين الكاف والنون فأمر لقبور موتاها وموتانا فتتسع مد أبصارهم وآنسهم في وحشتهم ونور قبورهم
يا ملك يا جبار يامالك الملك
رب إرحمنا إذا صرنا إلى ما صاروا إليه وسخر لنا جنودا من جنودك يدعون لنا ويترحمون علينا
لا إله إلا الله


قولوا آمين


طبخه ذوق إن شاء الله أجربها يسلمووو

دعواتكم بصلاح النية والذريه
أم دندونه

أميرة رمادي يقول...

اللهم امين جزاكم الله خير
ان شاء الله تزبد معاك يا مملكه
وكمان الله يجزاك بالخير خيتوو ام دندونه
والله يحقق لك كل ماتتمنين يارب
ويسر امرك ان شاء الله عاجلا غير اجل يارب

حياكم الله جميعا

غير معرف يقول...

رهيبه وخاطري اعملهاا ،

:)

أميرة رمادي يقول...

ان شاء الله تعجبك يارب

هيونه يقول...

حلو باتونه يعطيك الف عافيه اختك هيونه الشهراني يالبيك

إرسال تعليق

=--> (لمشاهدة كل مواضيع المدونه اتبعي كلمة رسائل اقدم الموجوده في نهاية كل صفحه ) <--=
مطبخ أميرة رمادي
 

المتابعون

للتواصل عن طريق الرسائل

RW1400RW@GMAIL.COM

المتواجدون :*_*: اتحذف العداد القديم وبدينا من جديد