السلام عليكم ورحمة الله وبركاته
اهلين وسهلين هذه كبسة لحم بالسكر الي اشتركت فيها بالمسابقه
ان شاء الله تعجبكم
المقادير/
كاستين ونص رز
لحم بدون شحم
3 بصل شرائح
3 ثوم شرائح
نص علبه صلصه
ثلاث ارباع زبدة من ابو100 جرام
بهارات صحيحه ( ورق غار –كمون-كزبره-هيل-فلفل اسود-مسمار)
ربع ملعقه صغيره من ملح الليمون
نص كاسه سكر
3 ملاعق طعام ماء كادي
ملعقه صغيره هرده
مقلي (صنوبر – لوز )
زبيب
ملح
الطريقة :
اول شئ ذوبت الزبده وبعدين حطيت عليها البصل والثوم الين ماصارت ذهبيه
وبعدين حطيت اللحم وطبعا يكون مصفا من المويا من بدري ( ماء الغسيل )
نحطها معاها ونخليها تقلى معاها تقريبا لمدة ربع ساعه مع البهارات كمان وكل شوي نقلب
بعدها نضيف الصلصله ونقلب شوي وبعدين نحط المويا 
ونخليه يطبخ الين مايستوي اللحم تمام التمام
وبعدين نضيف الرز والملح
ونخلي الرز الين مايستوي طبعا المويا تكون يادوب مغطيه الرز
ونخليه الين مايستوي
لما يستوي الرز 
نجيب طاجن خارجي ونحمس فيه السكر
طبعا تحميس عادي من غير مانضيف أي شئ واهم حاجه السكر ماينحرق ونقلب بإستمرار
ولما يذوب السكر كله نرشه فوق الرز وهو ساخن
الان نخلط الهرده مع الكادي وفنجان قهوه ماء ساخن وبعدين نحطها فوق الرز كمان
ونقلبهم مع بعض 
ونقفل الغطاء ونخليه شوي على نار هاديه دقيقتين بس
وعند التقديم نزينه بالمكسرات وبالعافيه
اتمنى عجبكم ان شاء الله
الصلعه _ أميرة رمادي _
6 التعليقات:
الله يعطيك العافيه
اختي انا من بنات حواء من جد اعجبني
كطبخك بكثييير بس عندي سؤال شو هيا الهرده
وماء الكادي
انا مبتدا للطبخ
مشكوررره انا استفدت من طبخاتك
ماشاء الله
الله يعافيك ياقلبوو .. والعفو يالغلا
بصراحه اسعدني كلامك ^_^ ويشرفني حضورك
بالنسبه لسؤالك
الهرده هي الكركم
وماء الكادي هو ماء زي ماء الورد تلاقينه نفس الشكل بس مكتوب عليه ماء الكادي ويستخدم في الطبخ اكثر من ماء الورد
واي سؤال انا حاضره يالغلا ^_^
السكر طيب ما يطلع له طعم
اهلين وسهلين واسفه على التأخير بالرد
بالنسبه للسكر اكيد له طعم بس نكه حلوه
وبسيطه لا تشيلين هم
في كثير طبخات فيها نسبه من السكر
بس طعم السكر مو واضح لكن يدي نكهه مسكره حلوه ^_^
الله يسعدك مميزه * *
ويسعدك يارب ^_^
إرسال تعليق