0 رز بكورات اللحم

السلام عليكم ورحمة الله وبركاته
هلا بنات كيفكم اليوم حبيت اوريكم كيف طريقتي في الرز بكرات اللحم
يالله
ندخل في الموضوع لاني ماعندي شئ اسولف فيه
المقادير:::::وهالمره مافي صور للمقادير كنت متحمسه شوي ههههه
نص كيلو لحم مفروم
كاستين رز
ملح
فلفل اسود
نص ملعقه صغيره بودرة ثوم
ملعقتين زبده
شوي دقيق
شوي صنوبر على حسب الرغبه يعني ملعقه او ملعقتين (اختياري)
الطريقة ::::
اول شئ تسوي الرز عادي رز ابيض بس بدال الزيت تحطي الزبده وتخليه الين مايكون قريب مايستوي
بس باقي شوي مويا فيه ((ٌقبل ماينش))
وبالنسبه للحم تخلطيه مع الملح تقريبا ملعقه ونص والثوم ونص ملعقه صغير فلفل اسود
والصنوبر ان وجد

وتعجنيها مزبوط ثم تسوين منها دوائر اقصد كور #_#
المهم بعدين ترشينها بشوي من الدقيق على الوجه شئ ببسط
تجيبي طاجن وتحطي فيه شوي زيت وتقلقي الكرات على نار هاديه جدا وكل شوي تقلبي
طبعا يابنات الزيت ضروي يكون مره ساخن
وهذه صورتها بعد ماخلاص خلينها تتفحم ههههههههه

بعد ماتستوي اللحمه
نجيبي قدر كبير ونحط فيه اللحم ونكب <<<يعني نسكب @_@
الرز فوقه ونخليه

 الين مايتنش <<<<<والي ماتعرف يعني ايش يتنش هذا مو ذنبي
تروح تسأل جدتها ولا جارتها
المهم عاد

 وبس يا حبيباتي هذه طريقتي في رز بكرات اللحم ^_^
ملاحظه مهمه جدا
(يابنات لا تشترون من الصنوبر الي يجيكم جاهز في الاكياس
اشتروا الي بالكيلو لان الصنوبر يتغير طعمه
والي ماتقدر على الكيلو لانه شوي غالي خلاص بلاش منه
ولا انها تتورط في الصنوبر الي في الاكياس )

أميرة رمادي