ღ دعواتكم ღ ❀ لأمي وأبي بالفردوس الأعلى❀
❀اللهم ارحمهما كما ربياني صغيراواجعل قبرهما روضه من رياض جنتك وجازيهما بالحسنات احسانا وبالسيئات عفوا وغفرانا اللهم حرم لحمهما ودمهما وبشرتهما عن الناراللهم اجعلهما من المستبشرين برب راضي وجنات الفردوس الاعلى اللهم امين اللهم امين اللهم امين ❀
السلام عليكم ورحمة الله وبركاته
هلا بنات كيفكم
بسم الله
جبت لكم طريقة صينية دجاج روعه بصراحه
انا اموووت فيها وحبيت انقلها لكم
المقادير::
بصله كبيره
3فصوص ثوم
ملعقة صغيره بهارات مشكله
صدور دجاج بدون عظم وانا استخدمت الكيس الكبير
بس ناقص ربعه يعني الكميه كانت كبيره من الدجاج
4 بطاطس وسط
4 ملاعق خردل
مكعب ماجي وشوي ملح
كاستين ماء
1 فلفل رومي كبير
قشطة خفق كبيره
الطريقة:
اول شئ تقطعي البصل وتحطيه مع شوي زيت الين يذبل
وعدين تحطي الثوم بعد فرمه وصدور الدجاج بعد تقطيعها لمكعبات متوسطه الحجم
وتخلينها الين ماتنشف المويا الي تخرج من الدجاج تمام
وبعدين تحطي البطاطس
بعد تقطيعها لقطع صغيره مستطيل او مكعبات المهم تكون صغيره وتحطيها فوق الدجاج
وتحطي معاها تقريبا اربع ملاعق من الزيت وتحطي مكعب الماجي والملح والخردل
وشوي بهارات مشكله
وتقلبيها على النار شوي الين ماتحسي ان البطاطس بدأ لونها يصير ذهبي
تحطي كاستين مويا وتغطي النار وتخليه يطبخ وكل شوي تقلبي على خفيف وتغطي القدر
الييييييييييييييييين ماتنشف المويا واذ حسيتي ان البطاطس او الدجاج ما استوا زيدي شوي مويا
ووطي النار المهم انهم يستووون معانا
المهم بعدين حطي الخليط في صينيه كبيره وقطعي فوقها على الوجه الفلفل الرومي
على شكل شرائح وبعدين حطي قشطة الخفق كامله
وغطي الصينيه بقصدير
ودخليها الفرن من تحت وفوق لمدة ساعة على نار متوسطه وبعدين قدمي
الطبق مع الرز وانا سويت رز بالجزر
في صحن التقديم خليت الرز على الاطراف وحطيت من الدجاج في النص
وتقدري تقدميها مع العيش
بس الي تسوي رجيم زيي تااكلها بالشوكه وخلاص مايحتاج رز
او عيش بلا دبابه ههههههههههههههه
يالله وبالعافيه على قلبكم
أميرة رمادي ^_^
اكــــــتشافــات غـــــــــذائـيـــه *_* بس على ذوقي
3 التعليقات:
هذي يبي لها جلسه خااصه شوي كذا اطلع من الدوام وامخمخ عليها صح
....ابو حصه
حياك الله ان شاء الله تزبط
انا سويتها طلعت لذيذة بس طبخك احسن مني ماشا الله يعطيك العافية
إرسال تعليق