السلام عليكم وحرمة الله وبركاته سواء في الصينيه او على نفس العجينه عشان تتماسك اثناء التشكيل او فردها في الصواني عشان ماتنزلق ^_^ يعني وقت اللزوم واهم شئ لاتكثري ابدااا
هلا بنات كيفكم
جبت لكم عجينه رهيبه جدااااااااااااااااا جداااااااااااااااااااا
بصراحه اكثر عجينه احسها شرفتني
ومن غير مبالغه اني لما سويت الاكل
لليوم الي بعده والاكل هش
هالعجينة تنفع للبيتزا والمعجنات وخلية النحل والساندوشات
واذ تبي تسوي دونات او لقيميات او بريك الافضل انك تضيفي عليها بيضتين
وإن شاء الله راح تعجبكممممممممممممممممممممممم
بس قبل ما ابدأ بالطريقه في اشياء اساسيه لازم تتوفر عشان العجينه تزبط معاك
الاول انك تتأكدي من تاريخ الخميره لو كان قريب ينتهي فهي غير صالحه لانها ماراح تنفش معاك عشان كذا انصحكم تشترون خميره كميه قليله عشان بأستمرار تتغير معاكم
ثاني شئ الي هو استخدام الماء الدافئ في العجن لانه مفيد جداااااا في العجن
ثالث شئ نخل الدقيق وانا انخله مرتين وطبعا الدقيق المفضل الدقيق الكويتي
بس لو ماتوفر مافي اشكال
والي تي تسوي شئ بالدقيق الاسمر مافي مشكله بس انا اشوف يكون الدقيق نصه اسمر ونصه ابيض افضل من الاسمر كله
والشئ الرابع الي هو انك تستخدمي نفس المقادير يعني كاسه بنفس الحجم
والافضل يابنات في استخدام الكاسات هو الكاسه حقت المويا العاديه او الكوب حق الشاي العادي
الان
امشي على الخطوات بالترتيب وإن شاء الله تزبط معاكم واتمنى اني الاقي ردود بنتائج مرضيه
اول شئ حطي في زبديه عندك
كاسه حليب جاف
ملعقه صغيره سكر
ملعقتين وربع طعام خميره
كوبين مويا دافيه
اخلطيها مع بعض مزبوط وخليها لمدة خمس دقائق تتخمر لوحدها
الان اضيفي عليها
2 فنجان قهموه من السكر
كوبين دقيق
ملعقه صغيره ملح
كمان اخلطيها كويس وخليها خمس دقائق
الان اضيفي عيها المجموعة الاخيره
نص كوب زيت
ملعقه طعام مليانه بكنج بودر
كوبين دقيق
وخليها عشر دقائق لو مستعجله
وكل ماطولت تتخمر كل ماكان افضل لك
وبس ^_^ وتستخدميها
ملاحظة/
بنات ضروي يكون جنبك اثناء حشو العجينه صحن فيه شوي زيت
عشان اثناء شغلك كل شوي تدهني يدك بالزيت
يابنات انتبهوو لا تضيفون الدقيق فيها ابدا لو لزق في يدينكم
اضيفوا الزيت فقط بالدهن
واضيفي الدقيق فقط اثناء فردها بالرش
جربوها وردولي
وكمان عادي لو تستخدمي باقي العجينه اليوم الي بعده
تحطيها في الفريزر في اكياس تقسميها وتدهني الكيس بالزيت
طعمها هو نفسه
وهذه الصوره سويتها مستعجله في يوم عاشورا
عاد سريع سريع ماشكلتها كويس 
سويت منها فطيره الجبنه البيضاء ( مستطيله ومسكره من الاطراف بس )
وساندوشتات التونه ( عادي قليتها وبعدين فتحتها من النص وحشيتها بالتونه المطبوخه مع البصل والكزبره)
وحلى طريقة الحلى ( جبت اعواد الشوي ولفيت عليها العجينه بعد فردها
وقصها على شكل شريطه نحيفه وبعدين دهنتها بالزبده وغطستها بقرفه مخلوطه بالسكر وبس ^_^ يطلع معاك الحلى خفيف وسكره قليل )
اتمنى عجبتكم العجينه يابنات
ودعواتكم لجميع المسلمين
خيتكم أميرة رمادي
4 التعليقات:
رااااااااااائعه يا اموره تسلم ايديك الف شكر
هلابك قلبو
حياك الله يالغلا
العفو منوره
تسلم ايدينك بس ياليت تقولي مقادير سمبوسك مقلي العجينه ومشكوره
هلا وغلا خيتوو
الله يسلمك يالغلا
انت قصدك الي على هالرابط
http://rmady-2009.blogspot.com/2010/10/blog-post_2990.html
إرسال تعليق