25 ومين فينا مايعرف ايدام السبانخ سريع ولزيز

السلام عليكم ورحمة الله وبركاته

كيفكم ياحريم , دعواتكم لأمي وابوي ودعواتكم ان الله يفرج همي يااااااكريم .
انا سويت ايدام السبانخ وحبيت اوريكم طريقته

 

المقادير :
سبانخ مقطعه تقريبا 3 كاسات او 4<<< طبعا بدون رجولها هههه
رشه بهارات مشكله وملح وماجي
بصله كبيره مفرومه
3 ثوم مفروم
ملعقتين شبث مفروم
مرقة دجاج او لحم
2بطاطس متوسطه مقطعه مكعبات صغيره
1 فلفل رومي كبير مقطع مربعات صغيره والافضل يكون الاصفر او البرتقالي عشان السبانخ لونها اخضر فيصير شكله شياكه @_@ هههه
ربع زبده تقريبا
حبتين طماطم كبيره مقطعه صغار
ملعقه صلصه
الطريقه ياحريييييييييم
اول شئ حطي البصل والثوم على النار مع الزبده وبعدين اضيفي الطماطم والصلصه والبهارات والماجي والملح ولما تذبل اضيفي السبانخ وقلبيها وشوي اضيفي مرقة الدجاج او اللحمة تقريبا كاستين او ثلاث كاسات على عدد كمية كاسات السبانخ واضيفي البطاطس كمان
وخليها تطبخ الين ماتستوي البطاطس
وبس
وانا يابنات اشوف عادي لو حطيت المرقه مع اللحم في ايدام السبانخ
بس الدجاج افضل مايكون مخلوط بالادام يعني خذي المرقه وتقدرين تحمرين الدجاج في الفرن
ولو حبيتي البطاطس تكون كبيره شوي حطيها قبل السبانخ
عشان اكثر من ربع ساعه مو حلو تطبخ السبانخ
^_^ وبالعافيه