السلام عليكم ورحمة الله وبركاته هلا بنات كيفكم جبت لكم اليوم طريقة ساندويتش رجيم بسعرات حراريه توصل ل200 سعره تقريبا <<< اوقع بس المهم انها ماتوصل ل300 المهم والله من جد يابنات الاشياء حق الرجيم مفيده وشفت الفروق بنفسي من يوم مابدأت اهتم بهالجانب الحمدالله ابشركم اليوم كمان شفت وزني 56 الحمدالله مره خفيف يااااااااااااااااارب لك الحمد عقبال ماتتحقق باقي احلامي ياااااااااااااارب يالله ندخل بالموضوع اول شئ استخدام الخبز الخفيف واعتقد لو ماخاب ضني له اسم ثاني كمان الخبز الاماراتي والله اعلم هالخبز سعراته الحرايه قليله اقل من خبز الحب وتلاقونه في هيبر بنده بريال ويكفيك شهر كامل لانه عباره عن طبقات رقيقه فوق بعض انا اخذ الطبقه الرقيقه واقسمها لنصفين وكل نصف اسوي له ساندويتش طبعا موضوع فك الطبقات مربكه شوي لانها حتى الطبقه الرقيقه تلاقيها طبقتين من خفها @_@ واحنا مانبي سعرات حراريه كثير ناخذ شئ خفيف بس المهم وحيطت معاه جبنة شرائح من برايد منزوعة الدسم في كل وصله شريحه وحلقة طماطم وكم خياره لان الخيار مفيد للرجيم والطماطم الافضل ماتكثرينه وحطيتها في الفرن وهو ساخن بس ماخليتها تطول لانها لو طولت عشان الخبز خفيف بينشف ويتكسر واحسن كمان لو تغطي الصينيه بقصدير عشان ماتأثر الحراره على الخبز يعني يكفي بس تسييييييييييييح الجبنه يم يم وشربت معاها عصير الربيع الي يجي لونه اسود وبرتقالي ليش لان الربيع الثاني يجي سعراته الحراريه اكثر هذا سعراته 55 سعره والثاني والله ناسيه بس ممكن في السبعينات وعلى فكره يابنات كل ماحسيتي بالجوع وقت الرجيم تشربين لك من هالعصير والله تحسين بشبع اقصد الجوع الي بين الوجبات وانا ما احطه في الثلاجه ابدااااااا يالله بالعافيه ترى طعمها حلو وياريت كان عندي خس يم يم 
9 التعليقات:
صباح الخيرات ايه بأكل الجبنة هذه
كوووووويسه مرة
بس العصير لا اللي حطيتي صورته مو عصير هذه شراب ونسبة السكر فيه عاليه يعني اذا تاخدي خذي اللي مكتوب عصير
وسلامتك ياقمر
اقولك شي واحد
الله يوفقك يارب والى الامام
ياهلا وغلا فيكم اشكرك تواجدكم
ياقلبي يالمستشاره النوع الثاني من نفس متج الربيع السعرات الحراريه فيه اكثر من هذا انا شفته
واذ تقصدين نوع ثاني اديني اسمه
^_^ اسعدني اتواجدكم
بجد الواحد يبغى ينحف ويخس لكن عند الاكل ينسى نفسه
هههههههههههههههههههههه
ما فيه رجيم مع الوجبات السريعة
الله يوفقك أختي ،،
ههههههه الله يسعدك ان شاءالله تخسين ليش لا
اتباع السعرات الحراريه مهم جدا في الرجيم
انا اكل احيان واخبص بس لما اوصل ل800 سعره
خلاص ابدأ اشد على نفسي
ارقص او اسوي رياضه
ههههههههه الله يخلي موضي الشمراني وطقتها ههههههه
اللهم آمين ،،
أما الرقص والرياضة كثري منها وقت بس أمل وأطفش
يعطيك العافية
الله يعافيك يارب
حتى لو طفـشتي غيبي وارجعي لها كل فتره اهون
من لا شئ
الله يقويك ياقلبوووو
الى الامااااااااااااااام اموره وعقبااال الوزن اللي تبيييييه وانا بعد ):
ان شاء الله ياقلبي
اسعدني تواجدك والله
حياك الله
إرسال تعليق