( ليس من الضروري توفر جميع الطلبات )
السلام عليكم ورحمة الله وبركاته
هذا اول موضوع خاص بالقسم دون اشتراك بالاقسام الثانيه
ان شاء الله القسم يكون ناجح وماعليه نقد او مشاكل
هالمره جبت طريقة الإدامات المنزليه , اقصد الادامات بصفه عامه بدون اضافات عشان الي بعيد عن اهله يستفيد منها إن شاء الله ^_^
بالنسبه للطريقة سهله جدا
اول شئ تحديد الخضار المطلوبه بالطبخ وتقطيعها والأفضل انها تكون بأحجام متوسطه , وللنفر الواحد يكفي حبه او حبتين مثل بطاطستين
او اذ كان مشكل من كل صنف حبه زي مثلا بطاطسه وكوسه ,,, الخ
وبالنسبه للدجاجه تكون نص حبه او اللحم يكون شوي .
الان للطريقه :
زيت قليل جدا مقدار غطاء ممكن او واحد ونص وينحط معاه بصله مفرومه وفصه وحده ثومه عشان النكهه
تقلب شوي على النار
وبعدين يضاف لها الدجاج او اللحم المقطع قطع صغيره وكل ماكان اصغر كل ماكان افضل تقريبا بنفس حجم المخضار المقطعه او اكبر بشوي ^_^
وبعد شوي يضاف لها الكزبره الخضراء تقريبا بحجم كف اليد ويضاف لها ملعقه صغيره من الكزبره الناشفه ( عباره عن بهارات مطحونه اسمها كزبره موجوده في السوبر ماركت زيها زي الكمون )
وتقلب وتقلب وتقلب كلها على نار هاديه الين مانحسها بدأت تتسبك شوي وتنشف المويا
الان نضيف عليها ملعقه صغيره صلصه وتقلب وبعد شوي نضيف واحد مكعب ماجي وطماطمه صغيره او متوسطه مقطعه صغار وملعقه صغيره كمون وملعقه صغيره ملح وقليل جدا من البهارات المشكله الصحيحه ( يعني الغير مطعونه ) <<< انا ما اضيفها دايم
وتقلب كلها الين مانحسها نشفت بس شوي ثم نضيف الخضار والماء الساخن تقريبا نص القدر على نار متوسطه وتقلب كل شوي بشكل خفيف مو تتعجن
كيف اعرف انها مستويه ؟
بعد عشر دقائق من الطبخ كل شوي تأخذ وصله من الخضار بالذات القاسيه لو كان مشكل مثل البطاطس وتذوقها لو كان لينه معناها مستويه
بالذات لاننا مقطعين اللحوم بشكل صغير
بالنسبه لكمية الماء في ناس تحب الماء كثير في الإدام بس انا احبه قليل شوي يادوبك
على العموم لو احتجنا ماء لازم يكون ساخن يضاف شوي بقدر ماتحب بس بعدها لازم يطبخ شوي
والملح طبعا لو كانت الكميه الماء اكثر يزاد
وبـــــــــــــــس
هذه الصوره لإدام البطاطس
وهذه لإدام مشكل انا أحبه ( بطاطس وكوسه و باذنجان و جزر )
وهذه لإدام الفاصوليا
أي على فكرة لو انتم من الناس الي تحب الدجاج او اللحم بأحجام كبيره جدا
تسلق نص سلقة خفيفه لوحدها وتصفى تمام ثم يبدأ الطبخ
وبالعافيه اتمنى وضحت الصوره للجميع
واي استفسار انا موجوده
دعواتكم لمن ربياني صغيرا ا ا ا
أميرة رمادي
9 التعليقات:
تسلمين والله
اليوم والله محتار وش اطبخ زين جت بوقتها بطبقها ومن جد جاء لي نفس اكل ايدام
الله يرحم لك والديك
الله يجزاك بالخير
بالعافيه ان شاء الله تعجبك
*_* شكرا للرد
السلام عليكم ورحمة الله وبركاته
اولا /شكرا لكي على زيارتك مدونتي
ياسلام طبخة رائعه شكرا لكي لطرح الرائع بالتوفيق يارب
رحم الله والديك واسكنهم فسيح جناته ورحم ابي واسكنه فسيح جناته وجميع موتا المسلمين
اللهم اشرح صدرك ويسر امرك ويوفقك في جميع حياتك
*اشعر ان المونه ثقيله بعض الشي ربما كان من النت لدي بطيئ
بالتوفيق اخوك محسن
أشعر ان المدونه ثقيله بعض الشي ربما كان من النت لدي لا اعلم بالتحديد
بالتوفيق لك
الله يجزاك بالخير على هالكلام
بارك الله فيك
المدونه صح كانت ثقيله لاني كنت حاطه حاجه
وشلتها بعدين ^_^ ان شاء الله الان تمام
حياكم الله
الله يعطيك العافيه
ويرحم موتاك ويغفر لهم ولك
اللهم امين
جزاك الله خير
وشكرا لحضورك
الله يجزاك خير ويرحم ولديك طبخ قمت الروعه محبتك ريم
اللهم امين
حياك الله ريومه
خضورك الروعه يالغلا ^_^
إرسال تعليق