ღ دعواتكم ღ ❀ لأمي وأبي بالفردوس الأعلى❀
❀اللهم ارحمهما كما ربياني صغيراواجعل قبرهما روضه من رياض جنتك وجازيهما بالحسنات احسانا وبالسيئات عفوا وغفرانا اللهم حرم لحمهما ودمهما وبشرتهما عن الناراللهم اجعلهما من المستبشرين برب راضي وجنات الفردوس الاعلى اللهم امين اللهم امين اللهم امين ❀
السلام عليكم ورحمة الله وبركاته
اهلين وسهلين
طبعا هالطريقه الكل يعرفها اكيييييييييييد
رغم انها لزيزه وفيها حفاظ على النعمه إلا ان في ناس تسميها
اكلة الفقراء !!
انا استغرب هالاسم @_@
المهم
طبعا لما نجي ناكل أي شئ بالخبز تبقى بقايا الخبز
ناخذها ونرفعها بالثلاجه الين ماتصير موجوده كميه كافيه لعمل هالإدام
الي نسميه إدام الطماطم <<< كذا احنا نسميه او فتت إدام الطمام
الطريقة كالتالي
زيت وبصل تتحمر شوي
طماطم مقطعه صغير صغير كل ماكانت الكميه اكثر كل ماكان افضل
و شوي معجون صلصه
وملح وكمون وفلفل اسود
وخليها تتسبك شوي وبعدين اضيف الخبز ولو كان قطع الخبز كبيره
اقطعها مربعات بالسكين
وبعدين اخلط الخبز مع الطماطم واضيف شوي كزبره واقلبها
ثم ماء ساخن تقريبا كاسه
واقلب بإستمرار واضيفي شوي مويا لو الخبز يحتاج كل شوي مويا الين مايصير ليين
وتكون ساخنه المويا طبعا
الين مااحسه لين بس مو مره
مو يصير معجون لا بس يذبل
ولازم التقليب المستمر والماء شوي شوي لاننا مانبيه سائل
بالعافيه مع الليمون والشطه ^_^
ترى ماتاخذ وقت الشغله من بعد اضافة الخبز يادوب
للمعلوميه
الخبز الشامي سواء حب او عادي يضاف مع اطراف خبز التوست
لكن لا يخلط مع التوست او الصامولي
لان الصامولي والتوست ينعجن بسرعه يادوب بس دقيقه وخلاص
بينما الشامي ياخذ ممكن دقيقتين
الله يرحم ايام زمان لما كنا صغار كنا دايم نسويها
دعواتكم ^_^
أميرة رمادي
6 التعليقات:
خخخخخخخخخخخخ
ذكرتني بلخبطة ادام ابويه
مثلا يكون طبخنا للغداء ادام لحم كثير المرق يعني فيه خضار من كل شئ بس المرق كثير
يجي الليل للعشاء اقول ابويه تبغى لخطبة قالي جيبيها
اقوم اشيل شويه من الادام واقطع عليه خبز واخليه على النار لين يذبل واعطيه يمممم حتى عمي جاء مره سويتله منه مااااااااااات عليه وكل الصحن كله
تاخذ من طريقه المرقوق
امووره جربي حطي على الادام لحم مفروم او دجاج مفروم يممممم
هلا بك
اسعدني ردك
الله يخليهم لك بابتك وعمك
صح ممكن تسوين ببقايا الادامات
بس ماراح تطلع نفس الطعمه @_@
نورتي صفحتي بردك
تلاقين عمك الان سويها دايم هههههههه
اموووووووره ترى انا ورده الا رديت عليك ماعرفتيني طووووووسي
اها ورده
اهلين قلبو اسعدني تواجدك
تسلمين على الرد ^_^ بس كلمة طوسي ماتسلم هههههههه
يابنت احنا في المدونه مو في الماسن ^_^
حياك الله يالغاليه واسعدني وجودك
يميييييييي
احنا نسوويها بس طريقتنا تختلف شوويه ونسميها فته الخبز
احط بالخلاطه طماطم وبصل وثوم وحبه كوسه ونص فلفل رومي واخلطها
واضع شويه سمنه بالقدر واحط الخلطه عليهامع البهارات واخليها شووي وازيدها مويه لما تغلي
اجيب الخبز الاسمر واقطعه وارميه عليها وقبل اطفي النار ارش عليه كزبره وياااااسلااام ع الطعم
ابوي الله يرحمه كان يموت عليهاا
مشكوره اموره ع المدونه والله يرحم والديكي
الله يرحمه يارب ويسكنه الفردوس
واللهم امين
طريقتك حلوه كمان وفكره جديده بارك الله فيك
حياك خيتوو
إرسال تعليق