0 حلين كلها بالف لف خفيفه وحلوه

السلام عليكم ورحمة الله وبركاته
هالايام الاخيره برمضان مره مشغول الواحد
يادوب يلحق على المهم
الله لا يشغلنا عن طاعته يارب ^_^
لاتحرموني من دعواتكم لأمي وأبوي في هالايام تكفون
يالله ندخل بالموضوع
بالنسبه للحلى الأول حلى سويسر رول بطعم زبدة الفول السوداني

نخلط مع بعض واحد ونص بسكوت مطحون
وقشطه
وحليب مركز نص العلبه الصغيره تقريبا او اقل من الربع في العلبه الكبيره
نص ملعقه زبدة الفول السوداني
نعجنها مع بعض زي العجينه وبعدين نفرده على شكل مستطيل
وبعدين ندهنه بملعقتين نوتيلا
وبعدين نكسر شوي من الفلكس
وشوي من الحليب المركز
بس نبعد عن الاطراف
وبعدين تلفينها على شكل اسطواني وتحطينه بالفريزر يجمد وبعدين تقطعينه
وهذه النتيجه النهائيه

بالنسبه لطريقة اللف تلاقونها في هالموضوع اوضح بالصور
http://rmady-2009.blogspot.com/2010/...-post_113.html
ترى هالموضوع الي حاطه رابطه قديم من اوائل الطبخات بس بصراحه طعمه يجنن مره
..............................
الحلى الثاني حلى السبنغ رول مره يجنن

سبنغ رول الحجم الصغير وتقطعينه بالنص
وبعدين في كل قطعه تحطين نص حبه جبنه كيري
وتلفينها وتحطين بطرفها خليط الدقيق والمويا عشان يمسك
اهم شئ تكون مفتوحه من الجهتين وانك ماتغطي الكيري اثناء اللف بس شئ بسيط
وتقلينها قليه خفيفه في زيت ساخن
وبعدين وهي ساخنه تخطين الشيريه فوقها الي هي عباره عن كاس وربع مويا وكاسه سكر ورشين هيل مطحون
وبالعافيه

والشيره راح تدخل من الاطراف على الجبنه ويطلع طعمها يجنن بصراحه
انا في البدايه ماكنت مستصيغه الفكره انها مفتوحه من الاطراف
وبالجبنه العاديه تتسوى بدون خلطها بشئ فيه سكر
بس لما شفت طريقة وحده من البنات في الحلى حقها الي بالخلطه البيضاء تأكدت انها راح تزبط معاي ^_^
وجربت هالحلى وعقبال ما اجرب حلاها يارب