السلام عليكم ورحمة الله وبركاته الطريقه الثانيه الي هي الحمص الجاهز
هذه طريقتين لتقديم طبقين بطريقه حلوه وبنفس الوقت لزيزه وسهله تنفع
ويقدرون عليها العزابيه بالذات وقت رمضان
يالله ندخل في الطريقه الاولى الي هي بيتزا البف باستري 
بف باستري مكعبات
صلصه البيتزا
زيتون اسود
جبنه شرائح
اول شئ يشغل الفرن من تحت فقط والشبك يكون بالنص
طيب
والان ندهن الصينيه حقت الفرن بالزيت ونرص فيها قطع البف باستري
ثم نحط ملعقه من صلصه البيتزا على البف
والان نوزع الزيتون
وثم نحط شرائح الجبنه
ونخلي النار واطيه بعد ماندخلها الفرن الين ماتتحمر براحتها ويبدأ لون الجبنه يتغيير
لاننا مانبي نشغلها من فوق يكفي من تحت فقط
هذا سلمكم الله حمص تلاقونه مكان المعلبات في السوبر ماركت مابين ريال الى ريالين
وتقدرون تشترون منها مجموعه ووقت العوزه تسوونها
12 حبه في المجموعه مفيده جدا كل كم يوم تفتحون واحد
الطريقه سهله لانه حمص جاهز بس الافضل يكون تاريخه جديد عشان مايكون فيه حموضه شوي
المهم
نفك العلبه ونفردها في الصحن بالملعقه
وبعدين نحط قطع الحمص الجاهزه للزينه وكمان هذه نلاقيها في مكان المعلبات
ونحط السماق << الي لونه احمر في الصوره هذا كمان تلاقونه على الغالب مع البهارات
وعادي اشتروه وحطه بالفريزر ووقت العوزه خذو منه
وبعدين نحط الزيت زيتون
ونحط الصحن بالثلاجه شوي عشان يبرد
واللهم سلم وبارك ^_^
وبس اتمنى اني افدتكم بالذات للعزابيه المتغربين راح يفيدهم هالطريقه
هههههههه والشرح الممل @_@
واسأل الله ان يرد كل عازب سالم لأهله ويزوجه عااااااااااااجلا يارب
دعواتكم
0 التعليقات:
إرسال تعليق