¨°•√♥ ماشاء الله تبارك الله ♥√•°¨

بسم الله الرحمن الرحيم

حياكم الله في مدونتي نورتوني ^_^ اتمنى لكم وقت ممتع مع مطبخ أميرة رمادي مع الاصناف المنوعه المجربه وافكاري واكتشافاتي في عالم الطبخ .. دعواتكم لوالديااا ولي جزاكم الله خير . والرجاء الرجاء الرجاء من الرجال عدم الكتابه في مدونتي بشئ لا يخص المدونه ومحتواها او الطبخات او الاستفسارات او الاراء او الدعاء طبعا لوالديا ^_^
مطبخ أميرة رمادي

ღ دعواتكم ღ ❀ لأمي وأبي بالفردوس الأعلى❀

اللهم ارحمهما كما ربياني صغيراواجعل قبرهما روضه من رياض جنتك وجازيهما بالحسنات احسانا وبالسيئات عفوا وغفرانا اللهم حرم لحمهما ودمهما وبشرتهما عن الناراللهم اجعلهما من المستبشرين برب راضي وجنات الفردوس الاعلى اللهم امين اللهم امين اللهم امين ❀

الثلاثاء، 9 أغسطس 2011

0 بيتزااا بالخضار و بالجبنه من أميرة رمادي

السلام عليكم ورحمة الله وبركاته
اللهم ارحم موتانا وموتى المسلمين
واشفي مرضانا ومرضى المسلمين
وفك اسرانا واسرى المسلمين
وانصرنا على اعدائك اعداء الدين
اللهم امين
اول شئ هذه هي العجينه الي سويت عليها البيتزا


http://rmady-2009.blogspot.com/2011/06/blog-post.html

 

قبل ما اشرح مقادير البيتزا بقول لكم شئ
بالنسبه للعجينه انا اسوي منها كميه اكبر يعني ادبل الكميه
وبعد فردها وتطبيقها بكل الخطوات اقسمها 3 اقسام وكل قسم احطه في كيس لوحده
تكفي ل 3 ايام طبخ
لما نجي ننزلها من الفريزر ننزلها قبل مانشتغل عليها بكم ساعه
بس مانحطها برى لا نحطها في الثلاجه في اخر ظرفه فيها
ونخليها تذبل على اقل من مهلها وبعدين نطلعها ونشتغل عليها
لانها بالزبده ماتخلينها برى تذوب
لا من الثلاجه لشغلك وبعد ششكيلها خليها ساعه تتخمر
اكيد فهمتو الشرح
هالمره سويت بالعجينه البيتزا وحده بالجبنه ووحده بالخضار
بطريقة صلصه حلوه عجبتني وطبقتها
يالله نجي لمقادير الصلصه وهي تكفي لصينيتين
رشه فلفل بودره ( بابريكا )
ربع ملعقه صغيره زعتر
ربع ملعقه صغيره ملح
علبه طماطم جاهزه
ملعقه صلصه
رشه فلفل اسود
حبتين ثوم مقطع صغيره
نص ملعقه عصير ليمون
كاسه مويا ( كاسه الجبنه العاديه )
ملعقه صغيره سكر
...
اول شئ اقلقل الثوم في شوي زيت زيتون واول ما تبدأ ريحت الثوم تطلع احط الطماطم الين ماتبدأ تغلي ولما تغلي احط المويا والصلصه الين ماتغلي المويا وبعدين احط كل المكونات على نار واطيه جدا واخليها تطبخ نص ساعه تطبخ وكل شوي اقلب
بعد نص ساعه تلاقونها صلصه ثقيله وتسبكه تمام
خليها تبرد وبعدين حطيها بخلاط العصير تنطحن مزبوط
كذا انتهينا من الصلصه
الان نجي لمكونات البيتزا



بالنسبه لبيتزا الخضار
عباره عن مرتديلا طازجه لان الطازجه الي تخلين الرجال هو يقطعها لك بنفسه تجيك مناسبه اكثر من المثلجه للبيتزا
وانت بالبيت قطعيها بفنجان الشاي
يطلع حجمها حلو زي حقت بيتزا هت @_@
شرائح رفيعه جدا جدا بصل يعني البصله تكون صغيره ومقطعه بالطول اربع قطع وبعدين كل قطعه شرائح رقيقه
وواحد فلفل رومي نفس التقطيع
زيتون لونين اخضر واسود
جبنه موزيلا
مشروم نص علبه
بنات ترى البصل والفلفل الرومي يكون صغير مره اصغر شئ
بالنسبه لبيتزا الجبنه
مرتديلا
جبنه موزريلا
وبس ^_^
طبعا بعد فرد العجينه في الصينيه المدهونه بالزيت والمرشوشه بشوي دقيق نخليها تتخمر ساعه
ويابنات العجينه تكون غير سميكه تطلع اطعم
واذ كنتي مستخدمه الصواني الخاصه بالبيتزا اضغطي عليها شوي عشان تطلع من تحت شكلها شياكه @_@



المهم
بعدين نحط رشه بسيطه زيت زيتون ونفرده على العجينه وبعدها نحط الصلصه
والفائده من زيت الزيتون عشان الصلصه تتوزع بسلاسه معاك
وبعدين حطي مكونات البيتزا حقتك
ماعدا الجبنه


ودخليها الفرن من تحت وفوق على نار واطيه جدا
طلعيها اول مايتغير لون العجينه
ماتاخذ وقت
الان حطي الجبنه وخليها في الفرن وهو ساخن من غير ماتسخنينه تذوب على اقل من مهلها تقريبا تاخذ اقل من 10دقائق
وبالعافيه عليكم



دعواتكم لمن ربياني صغيره بالفردوس الاعلى يارب

0 التعليقات:

إرسال تعليق

=--> (لمشاهدة كل مواضيع المدونه اتبعي كلمة رسائل اقدم الموجوده في نهاية كل صفحه ) <--=
مطبخ أميرة رمادي
 

المتابعون

للتواصل عن طريق الرسائل

RW1400RW@GMAIL.COM

المتواجدون :*_*: اتحذف العداد القديم وبدينا من جديد