5 الكيك الإنجليزي #_# كأنه جاهز ماشاء الله

 

السلام عليكم ورحمة الله وبركاته
طبعا الكيك الإنجليزي انتشر هالفتره وصارو الناس يجيبونه حتى في الزواجات
طعمه معروف بس باللوز مره عجبني ذقته في زواج
وحبيت اطرح لكم الطريقه ^_^
كأنه جاهز على قول اختي الكبيره ^_^ يالله بسم الله
المقادير :
بنفس الكوب ويكون حجم الكوب عادي والصينيه صغيره ^_^

 

كوبين دقيق منخوله مع ملعقه طعام بكنج بودر
رشه ملح
ملعقه صغيره فانليا
كوب وربع سكر مطحون
كوب زبده مذابه وليست سائحه على النار يعني مذابه تقطعيها مكعبات وتقيسي فيها الكوب
خمس بيضات
نص كوب من شرائح اللوز مكسرتها بيدك شوي
الطريقه :
اول شئ شغلي الفرن وادهني الصينيه بالزيت وحطي من شرائح اللوز فيه بس مو من الي بالمقادير لا
الان في زبديه اخلطي السكر مع الزبده وخليها تخلط الين ماتذبل الزبده ويذوب السكر تمام
وبعدين اضيفي البيضات بيضه بيضه واخلطي
وبعدين اضيفي الفانليا والملح

وبعدين اضيفي الدقيق المخلوط بالبكنج بودر واللوز
وقلبي الين ما تتجانس مزبوط
افرديها في الصينيه شوي شوي
الخليط راح يكون ثقيل لانه مافيه مويا عشان كذا الافضل انت تحطيه بالملعقه وبعدين تهزين الصينيه عشان يتساوى بشويش

وبعدين رشي على الوجه كمان شوي لوز

وبعدين دخليها الفرن شغليه من تحت وحطيها بالنص على نار هاديه جدا 35 دقيقه وبعدين شغليه من فوق الين مايتحمر
طبعا تأكدي انها استوت من تحت قبل ماتشغلينها من فوق
الصينيه تكون بالنص بس لما تشغلينها من فوق الافضل تنزلينها تحت
<<<< تكلم الي مالهم بالطبخ ^_^
المهم
وبس
اسسسسسسستوت

 

 

على فكره يابنات هالنوع من الكيك الحلو فيه على قول منال العالم انك تقدرين تقطعينه بعد مايبرد وتلفين كل وحده بسولفان
وترفعينه في الفريزر
وقت ماتبي تاكلي منه تنزلينه عادي ^_^
وكمان كيك مميز
خمس بيضات غير بارده <<< هذه معلومه دائم اتبعيها حتى في سلق البيض او أي شئ يعني تطلعينها من بدري
منال العالم تحط معاه عطر اللوز وتبشر يا قشر برتقال او ليمون
بس انا ما حطيت شئ سويته عادي
وفي ناس تسويه ساده بدون لوز
وفي ناس تسويه كمان وتحط معاه فواكه مجففه بدال اللوز
وناس زبيب
ان شاء الله يعجبكم بصراحه روعه هالكيك في وقت التجمع العائلي
دعواتكم ان ربي يرحم امي وابوي ويسكنهم الفردوس يارب
وكمان يجاورون النبي محمد صلى الله عليه وسلم
وكمان انا معاهم ^_^ وانتم وكل المسلمين يارب ^_^