ღ دعواتكم ღ ❀ لأمي وأبي بالفردوس الأعلى❀
❀اللهم ارحمهما كما ربياني صغيراواجعل قبرهما روضه من رياض جنتك وجازيهما بالحسنات احسانا وبالسيئات عفوا وغفرانا اللهم حرم لحمهما ودمهما وبشرتهما عن الناراللهم اجعلهما من المستبشرين برب راضي وجنات الفردوس الاعلى اللهم امين اللهم امين اللهم امين ❀
السلام عليكم ورحمة الله وبركاته
هلا ياجماعه
هلا بعشاق القهوه العربيه
اليوم جبت لكم منتج لي فتره اشتري منه وقت الزنقه من هيبر بنده
لما يخلص البن والهيل الي بالبيت
لما نكون في رحله لمدة كم يوم
لما يكون الشخص مايعرف يسوي قهوه خير شر ولا يعرف يشتري البن والهيل <<< هذه للعزابيه هههههه
المهم جبت لكم هالطريقه الخفيفه الي تقدرون تسوينها
حتى لو مافي غاز ولا حطب
تقدرون تحطينها مع مويا ساخنه بثلاجة القهوه وتخضونها وتخلونها 10 دقايق وتشربونها <<< في الشديد القوي هالحركه ( اسوء الاحوال )
مره فزعه بصراحه
بالذات للي زيي مدمنين ويصدعون لو ماشربوها ^_^
هذه صورته
اسم المنتج واحة البادية
تقدرون تسون منه ثلاث ثلاجات قهوه
يعني داخله 3 مجموعات
تلاقون منه في السوبر ماركت نوعين نوع
الي انا مصورته عباره عن بن وهيل وزعفران وقرفه وزنجبيل
والثاني فيه خرابيط ثانيه نسيتها بس انا ما اشتري غير هالنوعيه لاني بالعاده
احط بقهوتي بن وهيل وزنجبيل بس
بالنسبه لطريقة استخدامه سهله جدا زي ماتسوي لقهوه العاديه حقتك
مو ضروري تتبعون التعلمات انا اسويها واصفيها عادي
مره حلو ياجماعه انصحكم فيه
دعواتكم
انتظروني قريبا بمواضيع ان شاء الله
اكــــــتشافــات غـــــــــذائـيـــه *_* بس على ذوقي
2 التعليقات:
جزاك الله كل خير وشكرا عالموضوع
وجزاك الله خير وياهلا وغلا بوجودكم
في هيبر بنده للي يسأل وين تتباع
بس غيره ما ادري فين
بس انا هالشركه جربتها لكن الشركات الثانيه غير واحة الباديه ماجربتها بصراحه ^_^
إرسال تعليق