8 تجربتي مع العجينه السائله

السلام عليكم ورحمة الله وبركاته

هذه طريقة العجينه السائله

الحلو فيها انها ماتتخمر

وسريع سريع لما تكونين مستعجله او مالك نفس

والعيب الوحيد فيها انها مو متماسكه مره

يعني مثلا لو سويتي بيتزا يصير ماتقدرين تاكلينها غير بالملعقه راح تتفتفت

لكن بصراحه طعمها حلو ومنفوشه وهشه جدااااااااااا  عجبتني

المقادير

كوب ونص دقيق ابيض منخول

ربع  كوب زيت

ملعقه خمير

كوب وربع مويا

ملعقه بكنج بودر

3 ملاعق حليب بودره

بيضه

رشه ملح

ملعقه صغيره سكر

الطريقه

نخلطها بالخلاط حق العصير ماعدا الدقيق

وبعدين نحط الدقيق ونخلط بنفسنا

ونحطها بالصينيه المدهونه ونحط المكونات الي نبغاها

طبعا المكونات راح تغوص معاك شوي لانها سائله مره

ولو سويتي فيها بيتزا عادي ماراح يتوزع الصوصو ميه بالميه

وحطي المكونات

وطبعا لو كانت بيتزا خلي الجبنه بعد ماتستوي مجرد تحمير

ودخليها الفرن بالعافيه

………………………………

 

بالنسبه للعجينه الي استخدمها دايم على هذا الرابط

http://rmady-2009.blogspot.com/2012/03/blog-post_2.html

بس ترى انا احب انوع بالعجينه بس اكثر شئ الي على الرابط

^_^

...تابع القراءة

1 كيكه مضبوطه ميه ميه . هديتي لكم

السلام عليكم ورحمة الله وبركاته

اللهم بلغنا رمضان

جبت لكم كيكه ياشيخه ان شاء الله انك تدعين لي من بعدها

قولي ليشش

ليشششششششششششش

لاني انا من عشاق الكيك المنزلي العادي

وكل مره احاول الاقي طريقه مقنعه ميه بالميه كل ماسويتها ابغاها نفس الطعم

وجلست فتره طويله اجرب واجرب

الين ماطبيت لكم في وحده الله يسعدها قولو امين

مدري هي مصريه او سعوديه

هي بمنتدى ولا انتسقرام

ناسيه من كثر التجارب لكن والله ماعمري سويت كيك كم مره ويطلع بنفس الطعم

وجميله وهشه

يلا ياكثر قرقرتي المهم اني قدرت بعد جهد جهيد وبالتحري لشهور

جبت لكم هالكيكه ان شاء الله يارب تعجبكم

بس اول شئ حجم الكاسات يكون موحد

وحجم الكاسه هو حجم كاسات المويا الطبيعيه

مو الجبنه الصغيره ولا الكاسات الكبيره

خليك وسط ^_^

يلا

…………………….

المقادير

4 بيضات

كاسه حليب سائل (3ملاعق حليب مجفف مخلوطه بالماء)

نص كاسه زيت

كاسه سكر

ملعقتين بكنج بودر( عاديه .لاممسوحه ولا جبل) ههههه فهمتوني

رشه فانليا ( تقريبا نص ملعقه صغير)

كاستين دقيق منخول

الطريقه..

بالخلاط الكهربائي اخفقي البيض الين ينفش

اضيفي السكر

واخلطي اخلطي مزبوط

اضيفي الحليب واخلطي

والزيت واخلطي

والبكنج بودر

والفانليا

واخلطي اخلطي

وحاولي اذ كان الكهربائي الي باليد اخلطي باتجاه واحد عشان الهواء

بس المهم الكهربائي

وبعدين

استخدمي مضرب او خلاط اليد

وبيدك قلبي وانت تحطين الدقيق المنخول

طبعا يابنات اول شئ التقليب يكون باتجاه واحد

ثاني شئ التقليب يكون دوره ونص

دوره ونص

هههههه افتكر هالحركه من ايام الطفوله ^_^

عادي الي ماتعرف تخليه دوره دوره ههههه

المهم

وكل ما اختفى الدقيق اضيفي

تقريبا على اربع دفعات

ترى ماياخذ وقت لاتطولين بتقليب الكيك من بعد وضع الدقيق انتبهي

ولا تدقدقين الزبديه خليك ناعمه مانبغى الهواء يخرج

وحطيها بالصينيه المدهونه بشويش

وحطيها بالفرن الي مشغلته من قبل ماتبدأين عشان لازم حار

واتركيها على حسب نوع فرنك تستوي من تحت وبعدين من فوق تتحمر

بنات لا تتلقفون كل شوي تفتحون الفرن

انا نوع فرني على 120 لمدة 45 دقيقه من تحت

وبعدين من فوق تتحمر

وبس

يالله هذه الصور

هذه الكيكه العاديه بدون اضافات

هنا دهنت الوجه بنوتيلا وهي ساخنه

هنا عاديه بس زينتها بالشوكلاته

هنا قبل ما احط الدقيق خلطت ملعقه نسكافه ممسوحه معاها

او ممكن تحطين نص ملعقه لانها مره مركزه

نوعية النسكافه حقتي من نستله ^_^

وبس بالعافيه ياحلوات

اديتكم طريقة البنت وبعض من نصائحي في الكيك

لاتنسون

تدعون لمامتي وبابتي بالرحمه والمغفره

ولاتنسون تدعون للي اخذت طريقتها

ولاتنسون تدعون لي كمان

وبس

هذا موضوع من سنين منزلته عن بعض النصائح لطبخ الكيك

http://rmady-2009.blogspot.com/2010/10/blog-post_539.html

في أمان الله

هنا

...تابع القراءة

0 فطيرة الدجاج من أميرة رمادي

السلام عليكم ورحمة الله وبركاته

اهلا بنات كيفكم

هذه الصوره عندي من زمان حاولت اتذكر هي فطيرة تونه او دجاج مو قادره لكن الظاهر انها دجاج

انا قبل كذا زمان نزلت لكم التونه والان بقول لكم الدجاج ان شاء الله تعجبكم

.

اسلقي الدجاجه ونتفيها

قلقليها مع بصل وثوم شوي وبعدين اضيفي الي عندك شوي بس سواء كزبره او بقدونس او كلها عادي

بس لاتكثرين

وحطي بهارات مطحونه بس خفيف واهم شئ الفلفل الاسود والملح

وافردي عجينتك الي تحبينها بطبقه ماتكون تخينه  ويكون فيها زوائد من الاطرافه لتغطية الوجه

الدجاج بعد ماتوشحينه شوي قفلي عنه واخلطيه بشوي جبنه كاسات او جبنه شذر عادي بس تكون شوي

وافردي الخلطه بالصينيه فوق طبقة العجينه وبعدين رشي على الوجه كمان جبنه سواء كاسات او شذر

وممكن خلطها

بس لاتكثيرين بس نكهه او الاستغناء  عن الاجبان

او ممكن بس تحطينها في الوجه يعني ماتخلطين الدجاج بالاجبان

عموما على حسب ذوقك

المهم

وغطيها من فوق بباقي العجينه وتكون رقيقه اكثر من الي تحت

اكيد فاهميني كلامي والي ماتعرف كيف تتغطى الفطيره من فوق تقدر تشوف طريقتها باليوتيوب

وبعط ماتغطينها وتساوينها

ادهني الوجه ببيضه كامله وبعدين رشي سمسم

وشغلي الفرن من تحت وبعدين من فوق وبالعافيه

ان شاء الله فهمتو شرحي

وهذا الموضوع حق فطيرة  التونه القديم

http://rmady-2009.blogspot.com/2013/05/blog-post_11.html

 

...تابع القراءة

0 طريقة بطاطس بالجبنه البيضاء والخس يم يم

السلام عليكم ورحمة الله وبركاته

هذه طريقه حلوه وبسيطه واكله جانبيه او تنفع تكون عشاء خفيف

المهم

اول شئ سوي بطاطس مشويه في المايكرويف وبعدين قطعيها مربعات

واخلطيها مع خس مقطع

جبنه بيضاء

وفلفل اسود

كمون

وخيار

وممكن كمان اضافة زيت زيتون شوي بس

وبالعافيه

انا احب الجبنه البيضاء مع البطاطس ^_^

بالنسبه لطريقة شوي البطاطس بالمايكرويف

عادي غسليها وحطيها بالمايكرويف الين ماتستوي

وهذه طريقه مفصله على هذا الرابط

http://rmady-2009.blogspot.com/2015/05/blog-post.html

 

...تابع القراءة