السلام عليكم ورحمة الله وبركاته اللهم بلغنا رمضان جبت لكم كيكه ياشيخه ان شاء الله انك تدعين لي من بعدها قولي ليشش ليشششششششششششش لاني انا من عشاق الكيك المنزلي العادي وكل مره احاول الاقي طريقه مقنعه ميه بالميه كل ماسويتها ابغاها نفس الطعم وجلست فتره طويله اجرب واجرب الين ماطبيت لكم في وحده الله يسعدها قولو امين مدري هي مصريه او سعوديه هي بمنتدى ولا انتسقرام ناسيه من كثر التجارب لكن والله ماعمري سويت كيك كم مره ويطلع بنفس الطعم وجميله وهشه يلا ياكثر قرقرتي المهم اني قدرت بعد جهد جهيد وبالتحري لشهور جبت لكم هالكيكه ان شاء الله يارب تعجبكم بس اول شئ حجم الكاسات يكون موحد وحجم الكاسه هو حجم كاسات المويا الطبيعيه مو الجبنه الصغيره ولا الكاسات الكبيره خليك وسط ^_^ يلا ……………………. المقادير 4 بيضات كاسه حليب سائل (3ملاعق حليب مجفف مخلوطه بالماء) نص كاسه زيت كاسه سكر ملعقتين بكنج بودر( عاديه .لاممسوحه ولا جبل) ههههه فهمتوني رشه فانليا ( تقريبا نص ملعقه صغير) كاستين دقيق منخول الطريقه.. بالخلاط الكهربائي اخفقي البيض الين ينفش اضيفي السكر واخلطي اخلطي مزبوط اضيفي الحليب واخلطي والزيت واخلطي والبكنج بودر والفانليا واخلطي اخلطي وحاولي اذ كان الكهربائي الي باليد اخلطي باتجاه واحد عشان الهواء بس المهم الكهربائي وبعدين استخدمي مضرب او خلاط اليد وبيدك قلبي وانت تحطين الدقيق المنخول طبعا يابنات اول شئ التقليب يكون باتجاه واحد ثاني شئ التقليب يكون دوره ونص دوره ونص هههههه افتكر هالحركه من ايام الطفوله ^_^ عادي الي ماتعرف تخليه دوره دوره ههههه المهم وكل ما اختفى الدقيق اضيفي تقريبا على اربع دفعات ترى ماياخذ وقت لاتطولين بتقليب الكيك من بعد وضع الدقيق انتبهي ولا تدقدقين الزبديه خليك ناعمه مانبغى الهواء يخرج وحطيها بالصينيه المدهونه بشويش وحطيها بالفرن الي مشغلته من قبل ماتبدأين عشان لازم حار واتركيها على حسب نوع فرنك تستوي من تحت وبعدين من فوق تتحمر بنات لا تتلقفون كل شوي تفتحون الفرن انا نوع فرني على 120 لمدة 45 دقيقه من تحت وبعدين من فوق تتحمر وبس يالله هذه الصور هذه الكيكه العاديه بدون اضافات هنا دهنت الوجه بنوتيلا وهي ساخنه هنا عاديه بس زينتها بالشوكلاته هنا قبل ما احط الدقيق خلطت ملعقه نسكافه ممسوحه معاها او ممكن تحطين نص ملعقه لانها مره مركزه نوعية النسكافه حقتي من نستله ^_^ وبس بالعافيه ياحلوات اديتكم طريقة البنت وبعض من نصائحي في الكيك لاتنسون تدعون لمامتي وبابتي بالرحمه والمغفره ولاتنسون تدعون للي اخذت طريقتها ولاتنسون تدعون لي كمان وبس هذا موضوع من سنين منزلته عن بعض النصائح لطبخ الكيك http://rmady-2009.blogspot.com/2010/10/blog-post_539.html في أمان الله هنا 
تابع الُمدونة
أقـســــام الـمـــدونـــة
-
اكــــــتشافــات غـــــــــذائـيـــه *_* بس على ذوقي
-
خرابيشي
-
ســـفـــــرتي ( مائدتي المنوعه ) قسم يختص بصور خاصه بالسفره
-
سهله وسريعه ((وصفات متنوعه))
-
قســـم الأرز
-
قســـم الباسكويت واطباق الشاي
-
قســـم الشوربة
-
قســـم الصواني والإدامات والمقليات
-
قســـم المشروبات البارده والساخنه
-
قســـم المعجنات واطباق الخبز
-
قســـم المقبلات والسلطات
-
قســـم المكرونة
-
قســم حلى القهوه
-
قســـم حلى مابعد الوجبات
-
قســم وصفات الرجــــيم المتنوعه
1 التعليقات:
الله يرحمهم ويدخلهم جناات عظيمه ونعيم دائم ويحفظك من كل شر ويحفظ احبابك🌹😘
إرسال تعليق