السلام عليكم ورحمة الله وبركاته هذه الكبسه سواها اخوي قبل يومين كان طعمها حلوه وسريعه ومافيها خرابيط كثير بس عجبني انه ماحط فيها صلصله وكمان كثر بهارات البرياني فيها ^_^ يالله ان شاء الله تعجبكم اول شئ جاب قدر ضغط وحط فيه شوي زيت وبصله كبيره مقطعه صغار وشوي ثوم وبعدين اضاف طماطم 3 حبات كبيره جداااااااا وبعدين اضاف دجاجه مقطعه لاربع قطع وكمان وحده فلفل رومي كبيره مقطعه اربع اوصال كبيره ووحده بطاطس كبيره مقطعه 6 اوصال كبيره يقول الفلفل الرومي والبطاطس عشان يدون الاكل نكهه عشان كذا ماكثر بس عشان النكهه المهم وبعدين اضاف بهارات عباره عن ملعقتين بهارات البرياني كمون و كركم وشوي فلفل اسود وقلب قلب الين مانشفت الطماطم وراحت المويا اضاف عليها مويا وخلها تطبخ الين ماصار الدجاج نص اسواء اضاف الملح ملعقتين ونص وكمان الرز كاستين ونص رز ^_^ يعني انتم على حسب كمية رزكم المقادير المهم واضاف وحده فلفله حاره صغيره بس ماخليته يفتحها ما احب الحار كثير @_@ وبس وغطى قدر الضغط واضاف مويا ساخنه على قد الرز طبعا وخلاص ولما استوا اكلناه بالعافيه مع البصل الاخضر لااازم بصل اخضر سوا ترشونه او في صحن جانبي وكمان سلطه مطحونه ياسلللللللللللللام هذه كبسة اخوي ^_^ يم يم يجنن ماشاء الله عليه يالله دعوااااااااتكم لمن ربياني صغيرا
4 التعليقات:
ياحبي لك اموره تسلمين ويسلم اخوك والله ع الكبسه شكلها حلوو غير كذا عجبني فيها اكثر الطماط موكثير
ماحب الكبسه الحمرا المبالغ فيهالو فكرت حطيت حبه صغيره ان شاءالله اجربها قريب ودعواتي لك من كل قلبي ولاهلك بالمغفره ويدخلكم اوسع جناته ويسعدك دنيا واخره وكل من تحبين فمان الكريم
جزاك الله خير ياخيتوو
بارك الله لك في كل كلمه كتبتيها
ولك مثله ان شاء الله
حياك
شكراً لكٍ والشكر موصول لأخيك .. سأقوم بعون الله أنا وبنتي الصغيرة بالبدء في فعاليات الكبسة حسب هذه الطريقة والله يستر
ان شاء الله تزبط معاكم وتنال رضاكم يارب
والعفو
اشكرك لتواجدك
إرسال تعليق