بسم الله الرحمن الرحيم
السلام عليكم ورحمة الله وبركاته
يااهلا وغلا بالناس الغاليه
منوووريني حياكم الله
يالله خلوني ادخل بطريقة العجينه
بالترتيب ^_^
جيبي نفس حجم الكاسه في كل المقادير الي بالكاسات
طيببببببببببببب
…………..
حطي في الخلاط مع بعض
كاستين دقيق منخول
كاستين مويا دافيه وليست ساخنه اتبهوو الساخنه تعدم لك العجينه
نص ملعقه صغيره ملح
فنجان شاي سكر
ملعقه و نص طعام خمير ماتخلينها ممسوحه لا عاديه بس مو جبل @_@
ملعقه صغيره بكنج بودر
3 ملاعق حليب بودره
كلها في الخلاط تخلط مزبوط وبعدين غطيها واتركيها ربع ساعه
وبعدين اضيفي عليها
نص كاسه زيت
و3 كاسات دقيق
واعجني بيدك وكل شوي اضيفي الدقيق بالتدريج مو دفعه وحده
ويدك كل شوي ادهنيها بزيت بس لا تبالغين يعني 3 او 4 مرات اثناء العجن
طبعا العجن ماياخذ وقت منك كوريها وارفعي العجينه واضربيها في الزبديه كذا مره
واتركيها تتخمر ساعه
او ممكن تلفينها بالحشوه وبعدين تخلينها تتخمر عادي ماتفرق
معلومه مهمه
اثناء فرد اي عجينه يابنات لازم مااااااااااتحطين زيت انتبهي وانا دايم اقول هالشئ
في فرد العجينه حطي مكان الفرد دقيق وحطي عجينتك بعد تقسيمها لعدة اقسام وكل مره قسم
وافردي القسم بيدك اول شئ وبعدين رشي الدقيق فوقها شوي
يعني يصير الدقيق من فوق وتحت والنشابه كمان يكون فيها دقيق
واعجني
وحتى لو اتلزقت اي عجينه تسوينها لاااا تحطين زيت حطي دقيق لو تبينها تزبط
انا بنفسي سمعت الشيف يقول ان اضافة الدقيق المرشوش اثناء العجن عادي مايضرها بشئ
بس لا تبالغون
وهذه صوره لفطيره محشيه بالزعتر والجبنه البيضاء ولانها ملفوفه بشكل حلزوني طبعا خليتها رقيقه جدا
لان اللف عباره عن طبقات طبعا
واثناء اللف والتقطيع ارش دقيق عليها حتى في يدي
المهم واخر شئ دهنتها بالبيض وحبة البركه والسمسم وقدمتها فطور ^_^
للمعلوميه هذه العجينه يسمونها عجينه الربع ساعه او ام ريما
والله ما عرف ^_^
بس هي ماتحط 3 كاسات دقيق في المجموعه الثانيه تحط كاستين ونص
انا اشوف انها 3 على قد خبرتي البسيطه والله اعلم
^_^ يالله جربوها سهله وسريعه وتزبط حتى مع الجديده في الطبخ
وان شاء الله اسوي لكم اصناف من نفس العجينه في اقرب فرصه ^_^
بحفظ الرحمن
اي على فكره يابنات ترى رفعت جزء منها في الفريزر لليوم الثاني وماشاء الله زي ماهي توي ماكله منها ^_^
سريع سريع التصوير ^_^
يالله دعواتكم لمن ربياني صغيرا
